ພະນັກງານ-ລັດຖະກອນ ຈາກບັນດາກະຊວງ ແລະ ຈາກ 13 ແຂວງໃນຂອບເຂດທົ່ວປະເທດ ໄດ້ສຳເລັດການເຂົ້າຮ່ວມຝຶກອົບຮົມ ເຕັກນິກປຸງແຕ່ງຜະລິດຕະພັນກະສິກຳ ປະຈຳປີ 2017 ໃນວັນທີ 31 ສິງຫາ ນີ້ ທີ່ນະຄອນຫລວງວຽງຈັນ ໂດຍການເປັນປະທານຂອງທ່ານ ແຄນທອງ ສີສຸວົງ, ຮອງປະທານຄະນະກຳມະການຮ່ວມມືລາວ-ຈີນ, ພ້ອມພາກສ່ວນທີ່ກ່ຽວຂ້ອງ, ນັກສຳມະນາກອນເຂົ້ຮ່ວມ.
ຕະຫລອດໄລຍະເວລາຝຶກອົບຮົມ 30 ວັນ ບັນດານັກສຳມະນາກອນໄດ້ຮັບຟັງການບັນຍາຍກ່ຽວກັບການພັດທະນາເຕັກນິກ ການປຸງແຕ່ງຜະລິດຕະພັນກະສິກຳໃຫມ່, ວິສາວະກຳ-ຊີວະສາດ ກັບ ເຄື່ອງບໍລິໂພກຂອງປະເທດຈີນ, ເຕັກນິກການຈັດການລ່ວງຫນ້າ ຕໍ່ການຜະລິດ-ວັດຖຸດິບ, ທາດເຫລົ້າ, ການອອກແບບໂຮງງານເຫລົ້າທີ່ທັນສະໄຫມ, ເຕັກນິກ ແລະ ເຄື່ອງຈັກໃນການປຸງແຕ່ງຫມາກມ່ວງ, ເຕັກນິກເຄື່ອງມືໃນການປຸງແຕ່ງຫມາກນັດ.
ນອກຈາກນັ້ນ, ນັກສຳມະນາກອນຍັງໄດ້ຮຽນຮູ້ເຕັກນິກ ແລະ ເຄື່ອງອຸປະກອນທີ່ທັນສະໄຫມ, ຮັບຮູ້ເຕັກນິກການປູກກາເຟ, ການກ້າເບຍກາເຟ ແລະ ຜະລິດຕະພັນສຳເລັດຮູບຕ່າງໆຕື່ມອີກ.

Editor: ຕະວັນ ແສງສະຫວັນ