ໃນຕອນບ່າຍວັນທີ 14 ສິງຫາ 2017 ຢູ່ທີ່ສະຖາບັນສາທາລະນະສຸກສາດ ໄດ້ສືບຕໍ່ກອງປະຊຸມ ສຳມະນາ ໃນການສ້າງຄວາມເຂັ້ມແຂງ ແກ່ຄູນຳພາ ພາຍໃຕ້ຫົວຂໍ້: ການອົບຮົມໃຫ້ແກ່ເດັກຍິງກ່ຽວກັບການຮັກສາສຸຂະພາບແບບເຊື່ອມສານ ແລະ ການສົ່ງເສີມຄວາມເຂັ້ມແຂງ ທາງດ້ານສຸຂະພາບໃຫ້ແກ່ເດັກຍິງ ໃນ ສປປ ລາວ, ໂດຍການຮ່ວມມື ທັງສອງ ມະຫາວິທະຍາໄລ ຄື: ມະຫາວິທະຍາໄລວິທະຍາສາດສຸຂະພາບ ແລະ ມະຫາວິທະຍາໄລ ແມ່ຍີງ ອີວາ ແຫ່ງ ປະເທດເກົາຫລີ 

ທີມນັກຄົ້ນຄວ້າ ຈາກ ພະຍາດບໍ່ຕິດຕໍ່ ຂອງ ມະຫາວິທະຍາໄລ ອີວາ ໄດ້ເຮັດໂຄງການຄົ້ນຄວ້າ ໃນ ສປປ ລາວ ນັບແຕ່ປີ 2015 ເປັນຕົ້ນມາ, ເຊິ່ງໄດ້ຮຽນຮູ້ກ່ຽວກັບບັນຫາສຸຂະພາບຂອງເດັກຍິງ ແລະ ແມ່ຍິງ. ຈຸດປະສົງຂອງໂຄງການ ເພື່ອອຸປະຖຳການພັດທະນາແບບມື້ອາຊິບ ຂອງສະຖາບັນການສຶກສາ ຊັ້ນສູງ ແລະ ສ້າງຄວາມສາມາດ ແກ່ເດັກຍິງ ເພື່ອສະຫນັບສະຫນູນສຸຂະພາບຂອງເດັກຍິງ ໃນ ສປປ ລາວ, ໃນນັ້ນການຈັດຕັ້ງແມ່ນຈະມີຫລາຍຂັ້ນຕອນ, ຂັ້ນຕອນທີ່ຫນຶ່ງ: ສາມະຊິກ ມວສ ຄວນໄດ້ຮັບການສົ່ງເສີມຄວາມເຂັ້ມແຂງດ້ານຄວາມສາມາດ ເພື່ອເຊື່ອມສານສຸຂະພາບເດັກຍິງ ແບບເຊື່ອມສານ. ຂັ້ນຕອນທີສອງ: ສາມະຊີກ ມວສ ໄດ້ຮັບການສະຫນັບສະຫນູນເພື່ອອົບຮົມໃຫ້ແກ່ເດັກຍິງ ແລະ ວິທີການຮັກສາສຸຂະພາບແບບເຊື່ອມສານ ສຳລັບເດັກຍິງ ໃນຊັ້ນມັດທະຍົມຕົ້ນ ແລະ ມັດທະຍົມປາຍ. ຂັ້ນຕອນທີສາມ: ການຮັກສາສຸຂະພາບແບບເຊື່ອມສານສຳລັບເດັກຍິງ, ຄວນສິກສອນ ຊັ້ນມັດທະຍົມຕົ້ນ ແລະ ມັດທະຍົມປາຍ ເພື່ອປູກຝັງແກ່ຄູອາຈານ ມີຄວາມສາມາດໃນການເຜີຍແຜ່ຄວາມຮູ້ ກ້າວໄປສູ່ອະນາຄົດ ຂັ້ນຕໍ່ໄປ. ແລະ ໃນຂັ້ນຕອນທີ່ 4 ຄວນເຂົ້າໃຈ ໃນເລື່ອງຮິດຄອງປະເພນີ ແມ່ນມີອິດທິພົນຕໍ່ການດຳລົງຊີວິດ ຂອງເດັກຍິງ, ພ້ອມກັນນັ້ນ ຕ້ອງໄດ້ສົ່ງເສີມຄວາມເຂັ້ມແຂງດ້ານຄວາມສາມາດຂອງເດັກຍິງອີກດ້ວຍ. ກອງປະຊຸມສຳມະນາ ດັ່ງກ່າວ ຈະຊ່ວຍເຮັດໃຫ້ ທີມງານ ຝ່າຍລາວ ຢັ້ງຢືນໄດ້ວ່າ: ອຸປະກອນທີ່ຈະສອນ ທີ່ໄດ້ຈັດແຕ່ງຂື້ນ ແລະ ການສົນທະນາທາງດ້ານເນື້ອຫາ ໃນການຄົ້ນຄວ້າ, ດັ່ງນັ້ນ, ຄູ່ມື້ການຮັກສາສຸຂະພາບ ແບບເຊື່ອມສານ ສຳລັບເດັກຍິງ ແລະ ຜູ້ນຳພາ ຄວນໄດ້ຮັບການຍັ້ງຍືນ ຄັກແນ່. ການສຳມະນາ ຄັ້ງນີ້ ຜູ້ເຂົ້າຮ່ວມ ຍັງໄດ້ຮັບຟັງ ການເຜີຍແຜ່ການຄົ້ນຄວ້າ ກ່ຽວກັບສະພາບຕົວຈິງ ຂອງສຸຂະພາບແບບເຊື່ອມສານ ສຳລັບເດັກຍິງ, ການນຳສະເຫນີໂຄງການ, ເຄື່ອງມື ແລະ ອຸປະກອນໃນການສິດສອນ ລວມທັງການກະຈາຍອຸປະກອນຕ່າງໆ ໄປຍັງໂຮງຮຽນຕ່າງໆ, ການສ້າງຄູ່ຮ່ວມງານ ທີ່ກ່ຽວຂ້ອງ ກັບພະແນກສຶກສາທິການ ແລະ ກິລາ, ບັນດາໂຮງຮຽນ ເປົ້າຫມາຍໃນໂຄງການ.

Editor: ກຳປານາດ ລັດຖະເຮົ້າ