ຜ່ານການໃຫ້ຂໍ້ມູນຈາກ ນ. ສຸດທິດາ ທຳມະວົງ ໜ່ວຍກູ້ຊີບ-ກູ້ໄພ ອົງການກາແດງລາວຫຼວງພະບາງ ລາຍງານໃຫ້ຮູ້ວ່າ
ອຸບັດຕິເຫດລົດໂດຍສານເສຍຫຼັກຕົກເຫວຢູ່ຂົວນໍ້າງາວ ບ້ານນາເມືອງ ເມືອງນານ ແຂວງຫຼວງພະບາງ ເສັ້ນທາງຕັດໃໝ່ກາສີ-ເມືອງນານ (ຫ່າງຈາກໝູ່ບ້ານ ປະມານ 2 ກິໂລ) ຄວາມສູງທີ່ລົດເມຕົກລົງແມ່ນປະມານ 70 ແມັດ ແລະ ເສັ້ນທາງທີ່ຈະລົງໄປຫາຈຸດເກີດເຫດແມ່ນຫຍຸ້ງຍາກຫຼາຍ
ໃນຈຸດເກີດເຫດແມ່ນພົບເຫັນຄົນເຈັບຈໍານວນ 27 ຄົນ, ຍິງ 14 ຄົນ, ບາດເຈັບສາຫັດ 3 ຄົນ,ຍິງ2 ຄົນ ແລະ ໄດ້ນໍາສົ່ງໄປໂຮງໝໍສາກົນລາວ-ຈີນຈຳນວນໜຶ່ງ ນໍາສົ່ງໄປໂຮງໝໍແຂວງອີກຈຳນວນໜຶ່ງ.
- ສ່ວນຜູ້ເສຍຊີວິດທີ່ສາມາດເຄື່ອນຍ້າຍອອກມາໄດ້ມີ 8 ຄົນ, ຍິງ 6 ຄົນ ແລະ ຍັງມີຄົນເສຍຊີວິດທີ່ຕິດໃນລົດຍັງບໍ່ສາມາດເຄື່ອນອອກໄດ້ມີປະມານ 5-6 ຄົນ.
- ການຄົ້ນຫາປະຈຸບັນໄດ້ມີ ໜ່ວຍກູ້ຊີບ-ກູ້ໄພ ອົງການການແດງລາວຫຼວງພະບາງ, ໂຮງໝໍຈີນ, ທະຫານ, ຕຳຫຼວດ, ປະຊາຊົນ
- ຕາມການລາຍງານຂອງໄກ້ນໍາທ່ຽວທີ່ຢູ່ໃນລົດວ່າ: ມີຄົນໂດຍສານທັງໝົດ 46 ຄົນ, ຍິງ 24 ຄົນ, ໃນນັ້ນເປັນຄົນສັນຊາດຈີນຈຳນວນ 44 ຄົນ,ຍິງ 23ຄົນ, ຄົນລາວ 2 ຄົນ, ຍິງ1ຄົນ.
ຂໍສະແດງຄວາມເສຍໃຈມາຍັງຄອບຄົວ ແລະ ຍາດຕິພີ່ນ້ອງຂອງຜູ້ປະສົບເຫດຄັ້ງນີ້ດ້ວຍ.
ຂອບໃຈຂໍ້ມູນຈາກ: ນ. ສຸດທິດາ ທຳມະວົງ ໜ່ວຍກູ້ຊີບ-ກູ້ໄພ ອົງການກາແດງລາວຫຼວງພະບາງ
