ໃນວັນທີ່ 13 ກໍລະກົດ 2018 ຜ່ານມາ ຢູ່ວັງສະຫງວນ ຫ້ວຍເພີ້, ບ້ານ ນໍ້າຢ້າງ, ເມືອງ ວຽງທອງ, ແຂວງ ບໍລິຄໍາໄຊ ໄດ້ຈັດພິທີປ່ອຍປາເນື້ອງໃນໂອກາດວັນອະນຸລັກສັດນໍ້າ-ສັດປ່າ ແຫ່ງຊາດ ແລະ ທັງເປັນວັນຄ້າຍວັນເກີດຂອງ ທ່ານ ປະທານ ສຸພາ ນຸວົງ ຄົບຮອບ 109 ປີ ໂດຍເປັນການເຂົ້າຮ່ວມຂອງ ທ່ານ ວົງສີ ທອງສີອິນທິປັນຍາ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ ວຽງທອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການ ແລະ ພະນັກງານ, ທະຫານ-ຕໍາຫຼວດເຂົ້າຮ່ວມ.
ໃນການປ່ອຍປາຄັ້ງນີ້ ກໍ່ເພື່ອເປັນການຈັັດຕັ້ງຜັນຂະຫຍາຍ ກົດໝາຍວ່າດ້ວຍການປະມົງ ແລະ ກົດໝາຍ ວ່າດ້ວຍປ່າໄມ້ ຊຶ່ງວັນອະນຸລັກສັດນໍ້າ-ສັດປ່າ ການປ່ອຍສັດນໍ້າຄືນສູ່ທໍາມະຊາດເປັນວຽກງານຫນຶ່ງຂອງປວງຊົນລາວຢ່າງແທ້ຈິງ ເຮັດໃຫ້ທຸກຄົນມີສ່ວນຮ່ວມກ້ວາງຂວາງກ່ວາເກົ່າ ເຖີງເວລາແລ້ວພວກເຮົາທຸກຄົນຕ້ອງໄດ້ເອົາໃຈໃສ່ປົກປັກຮັກສາ ເພື່ອເປັນມູນລະດົກຕົກທອດເຖີງລູກຫຼານ, ເຮັດໃຫ້ສັດນໍ້າມີຄວາມອຸດົມສົມບູນ ແລະ ມີຄວາມດຸ່ນດ່ຽງທາງດ້ານທາດຊີ້ນ ຄຽງຄູ່ກັບພວກເຮົາຕະຫຼອດໄປ ວ່າໃນນໍ້າມີປາ ໃນນາມີເຂົ້າ ໃນປະເທດເຮົາໃຫ້ຄວາມອຸດົມສົມບູນເຕັມໄປດ້ວຍຊັບພະຍາກອນທໍາມະຊາດ.
ປາ ທີ່ນໍາມາປ່ອຍໃນຄັ້ງນີ້ ມີ 4 ຊະນິດຄື: ປາແກັດແລບ ຈໍານວນ 1000 ໂຕ, ປານວນຈັນ1000 ໂຕ, ປາໄນ 1000 ໂຕ ແລະ ປາປາກ ຈໍານວນ 1000 ໂຕ ລວມປາທັງໝົດ 4000 ໂຕ ປ່ອຍລົງອ່າງຫ້ວຍເພີ້ ເຊິ່ງເປັນວັງສະຫງວນຂອງ ບ້ານ ນໍ້າຢ້າງ.

Editor: ເມືອງວຽງທອງ