ມາຮອດປັດຈຸບັນຊາວກະສິກອນເມືອງ ວຽງທອງ, ແຂວງ ບໍລິຄໍາໄຊ ໄດ້ຂຸ້ນຂ້ຽວປັດດໍານາປີສໍາເລັດແລ້ວ 80% ຕາມການລາຍງານຂອງ ທ່ານ ຄໍາພູ ພັນດານຸວົງ ຫົວໜ້າຫ້ອງການກະສິກໍາ-ປາໄມ້ ເມືອງຕໍ່ນັກຂ່າວຂອງເມືອງ ໃນວັນທີ່ 2 ກໍລະກົດ 2018 ວ່າ ມາຮອດປັດຈຸບັນນີ້ຊາວກະສິກອນໄດ້ປັດ ດໍານາສໍາເລັດ80% ໃນເນື້ອທີ່ 2.443 ເຮັກຕ່າ, ຄາດວ່າຈະໃຫ້ສໍາເລັດ100% ໃນກາງເດືອນກໍລະກົດ. ທ່ານກໍ່ໄດ້ເວົ້າອີກວ່າການຜະລິດນາປີຂອງຊາວກະສິກອນສ່ວນຫຼາຍແມ່ນໃຊ້ແນວພັນພື້ນເມືອງຄື: ເຂົ້າໄກ່ນ້ອຍ, ສະມັດຕະພາບຄາດວ່າປະມານ 3,2 ໂຕ່ນ ຕໍ່ເຮັກຕາ,
ນອກຈາກຜະລິດເຂົ້ານາແລ້ວ ຊາວກະສິກອນກໍ່ໄດ້ສຸມໃສ່ການຜະລິດເຂົ້າໄຮ່ໝູນວຽນມີເນື້ອທີ່ປະມານ 1.002 ເຮັກຕາ, ມັນຕົ້ນ 1.200 ເຮັກຕ່າ, ຂິງ 50 ເຮັກຕາ, ຂ່າ 80 ເຮັກຕາ, ປູກໝາກສາລີ, ໝາກເຜັດ ແລະ ພືດຜັກຕ່າງໆ ພ້ອມກັນນີ້ ຍັງໄດ້ຊຸກຍູ້ໃຫ້ພໍ່, ແມ່ປະຊາຊົນລ້ຽງສັດປະເພດຕ່າງໆຕື່ມອີກ.
ທ່ານ ກໍ່ໄດ້ກ່າວວ່າ ປັດຈຸບັນທາງຫ້ອງການກະສິກໍາ-ປ່າໄມ້ເມືອງກໍ່ໄດ້ສົ່ງພະນັກງານ, ວິຊາການລົງຕິດຕາມຊຸກຍູ້ສົ່ງເສີມຊາວກະສິກອນຢູ່ໃນແຕ່ລະກຸ່ມບ້ານ ເພື່ອຊ່ວຍທາງດ້ານວິຊາການເຕັກນິກໃຫ້ຊາວກະສິກອນຕື່ມອີກ.

Editor: ເມືອງວຽງທອງ