ຕາມການໃຫ້ສໍາພາດຂອງ ທ່ານ ຄໍາເພັດ ໄຊຍະເທບ ກໍາມະການພັກເມືອງ, ຫົວໜ້າຫ້ອງການສຶກສາທິການ-ກິລາເມືອງເຊໂປນ ລາຍງານຕໍ່ຜູ້ສື່ຂ່າວເມື່ອບໍ່ດົນມານີ້ວ່າ: ໂຮງຮຽນແຫ່ງຕ່າງໆທົ່ວເມືອງເຊໂປນ ແມ່ນພາກັນສ້າງຂະບວນການອອກແຮງງານລວມ, ອານາໄມຂອບເຂດອອ້ມຂ້າງ, ເດີນໂຮງຮຽນຂອງຕົນ,ບູລະນະສອ້ມແປງບ່ອນທີ່ເປ້ເພ ຕ້ອນຮັບສົກຮຽນໃໝ່ 2018-2019 ເຫັນໄດ້ວ່າ ປີນີ້ບັນຍາກາດການໄຂສົກຮຽນໃໝ່ ແມ່ນຄືກຄື້ນກວ່າທຸກໆປີ, ສໍາລັບປີນີ້ມີນັກຮຽນເຂົ້າມາຮຽນທຽບໃສ່ປີຜ່ານມາແມ່ນເພີ່ມຂື້ນ10 ສ່ວນຮ້ອຍ, ທົ່ວເມືອງ ມີໂຮງຮຽນອະນຸບານ 26 ແຫ່ງ, ຫ້ອງກຽມປະຖົມ10 ແຫ່ງ ແຜນຄາດຄະເນອັດຕາການເຂົ້າຮຽນຂອງກຸ່ມເດັກ 5 ປີ ໃຫ້ໄດ້ 49,47%, ຊັ້ນປະຖົມທົ່ວເມືອງ ມີໂຮງຮຽນປະຖົມ 109 ແຫ່ງ ໃນນັ້ນປະຖົມສົມບູນ 87 ແຫ່ງ, ຈໍານວນນັກຮຽນທັງໝົດ 8,994 ຄົນ, ຍີງ 3,999 ແຜນຄາດຄະເນອັດຕາເຂົ້າຮຽນ ໃໝ່ສຸດທິໃຫ້ບັນລຸ 96,8%, ອັດຕາເຂົ້າຮຽນສຸດທິ 6-10 ປີ ໃຫ້ບັນລຸ 97,42%, ອັດຕາຄ້າງຫ້ອງໃຫ້ຫລຸດລົງເຫລືອ 8,44%, ອັດຕາປະລະໃຫ້ຫລຸດເຫລືອ 10,44%, ທົ່ວເມືອງຊັ້ນມໍຕົ້ນ 7 ແຫ່ງ ໃນນັ້ນຂະຫຍາຍໃໝ່ 1ແຫ່ງ ຄື: ມໍຕົ້ນໂພນໄຮ່ ມີນັກຮຽນທັງໝົດ 2,329 ຄົນ, ຍີງ 1,203 ຄົນ, ແຜນຄາດຄະເນອັດຕາເຂົ້າຮຽນ50,59%, ອັດຕາຈົບຊັ້ນມໍຕົ້ນ 97%, ອັດຕາຄ້າງຫ້ອງໃຫ້ຫລຸດລົງ 0,72%, ອັດຕາປະລະໃຫ້ຫລຸດລົງ 9,2%, ມໍປາຍ ມີ4ແຫ່ງ, ມີນັກຮຽນທັງໝົດ 856ຄົນ, ຍີງ 398 ແຜນຄາດຄະເນອັດຕາເຂົ້າຮຽນ 30,12%,ອັດຕາຈົບຊັ້ນ 100%, ອັດຕາປະລະໃຫ້ເຫລືອ 3,96%, ສໍາລັບບາງຂົງເຂດທີ່ຢູ່ຫ່າງໄກສອກຫລີກທຸລະກັນດານອີງໃສ່ສະພາບດີນຟ້າອາກາດບໍ່ເອື້ອອໍານວຍເສັ້ນທາງຄົມມະນາຄົມໄປຍາກ,ນໍ້າຖ້ວມຂັງເປັນບວກ,ໜອງ,ໂຄນຕົມບາງແແຫ່ງໂດຍສະເພາະປະຖົມບ້ານຫ້ວຍຈັງ, ຈຸດສຸມກະຕູບ-ມະຫາດ, ລະວິງ-ລະເວີນຄາດວ່າໃນທິດໜ້າຈະໃຫ້ເປີດການຮຽນການສອນ 100 ສ່ວນຮ້ອຍ

Editor: ກຳປານາດ ລັດຖະເຮົ້າ