ງານຕະຫລາດນັດແຮງງານສາຍອາຊິບ ແລະ ການສຶກສາ ໄດ້ຈັດຂື້ນທີ່ໂຮງແຮມດອນຈັນພາເລດ, ນະຄອນຫລວງວຽງຈັນ ເຊີ່ງຈັດຂື້ນເປັນເວລາ 2 ວັນ 7-8 ກໍລະກົດ 2018 ນີ້, ເຊີ່ງເປັນງານຫນຶ່ງ ທີ່ໃຫ້ຄວາມສໍາຄັນແກ່ຜູ້ທີ່ສົນໃຈ ທາງດ້ານສາຍອາຊີບ ການຊອກວຽກເຮັດງານທໍາ ທີ່ມີຄວາມເໝາະສົມ ກັບວີຊາທີ່ຮຽນມາ. ພ້ອມກັນນັ້ນ ຍັງເປັນການນໍາສະເໜີສະຖາບັນການສຶກສາ ຫລື ໂຮງຮຽນ-ວິທະຍາໄລ ທີ່ຕ້ອງການຍາກໄປສຶກສາຕໍ່ ໃນສົກຮຽນຂ້າງຫນ້າ. ເຊີ່ງພາຍໃນງານ ມີຫລາກຫລາຍພາກສ່ວນ ທີ່ເຂົ້າຮ່ວມວາງສະແດງ ເຊັ່ນ,: ຂະແຫນງການສຶກສາ, ຂະແຫນງບໍລິຫານ, ການທະນາຄານ, ບັນດາໂຄງການອາສາສະໝັກ, ບໍລິສັດ ທີ່ໃຫ້ຄໍາປຶກສາ ທາງອາຊີບ ແລະ ການສຶກສາອື່ນໆ.

ຄາດຄະເນ ພາຍໃນງານ ຕະຫລອດ 2 ວັນ 7-8 ນີ້ ຈະມີບັນດານັກສຶກສາຈາກພາກສ່ວນຕ່າງໆ ລວມທັງບຸກຄົນທົ່ວໄປ ເຂົ້າຮ່ວມງານ ປະມານ 1 ພັນ ຄົນ. ນອກຈາກນັ້ນ ພາຍໃນງານ ຍັງມີການສໍາມະນາ ຫລື ນໍາສະເໜີທາງເລຶອກໃຫມ່ໆ ທາງດ້ານການສຶກສາ ແລະ ການເຮັດວຽກທີ່ດີແກ່ຜູ້ທີ່ຮຽນຈົບໃຫມ່ ຫລື ຍາກສຶກສາຕໍ່ ໃຫ້ສູງຂື້ນ. ນອກຈາກນັ້ນ ຍັງມີກິດຈະກໍາຖາມ-ຕອບ ແລະ ແຈກຂອງລາງວັນ ຫລາຍລາຍການ, ຍໍ່າອີກເທື່ອຫນຶ່ງ ງານ ຈັດຂື້ນທີ່ໂຮງແຮມດອນຈັນ 7-8 ກໍລະກົດ 2018 ນີ້ ທ່ານໃດສົນໃຈ ສາມາດເຂົ້າຮ່ວມງານໄດ້.

Editor: ກຳປານາດ ລັດຖະເຮົ້າ