ທ່ານ ອາຈານນ ອໍາໄພບູນ ແສງລັດ ຄູສຶກສາທິເທດພະແນກສຶກສາທິການ-ກິລາແຂວງສະຫວັນນະເຂດ, ທ່ານ ຄໍາເພັດ ໄຊຍະເທບ ກໍາມະການພັກເມືອງ, ຫົວໜ້າຫ້ອງການສຶກສາທິການ-ກິລາເມືອງເຊໂປນ, ພ້ອມພາກສ່ວນທີ່ກ່ຽວຂ້ອງກໍ່ຄືຫ້ອງການສຶກສາທິການ-ກິລາເມືອງເຊໂປນ, ຄະນະກໍາມະການຍາມຫ້ອງສອບ ໄດ້ລົງເຄື່ອນໄຫວຕິດຕາມການຈັດຕັ້ງການສອບເສັງຈົບຊັ້ນ ມໍ7 ສົກປີ 2018 ທົ່ວເມືອງໃນວັນທີ 19 ມີຖຸນາ2018 ນີ້ທີ່ສູນສອບເສັງ ມໍສ ເຊໂປນ, ສູນສອບເສັງ ມໍສ ເຊໂປນ ມີ4ໂຮງຮຽນເຂົ້າຮ່ວມມີໂຮງຮຽນມໍສ ເຊໂປນ, ມໍສ ນາບໍ່, ມໍສ ຫ້ວຍສານ ແລະ ມໍສ ດົງສະຫວັນ, ມີນັກຮຽນທັງໝົດ 249 ຄົນ, ຍີງ111 ຄົນ, ມີຫ້ອງສອບ 13 ຫ້ອງ, ມີໜ້າສອບຕົວຈິງ 249 ຄົນ,ຍີງ 111 ຄົນ

ໂອກາດດັ່ງກ່າວທ່ານ ຫົວໜ້າສຶກສາທິການ-ກິລາເມືອງເຊໂປນ ພ້ອມທິມງານກໍ່ໄດ້ສະແດງຄວາມຢ້ຽມຢາມຖາມຂ່າວມາຍັງນັກສອບເສັງຈົ່ງພ້ອມກັນເອົາໃຈໃສ່ ແລະ ປະຕິບັດລະບຽບວິໄນການສອບເສັງຢ່າງເຂັ້ມງວດເປັນຕົ້ນ: ນັກສອບເສັງຕ້ອງກຽມເຄື່ອງຮັບໃຊ້ການສອບເສັງອັນທີ່ຈໍາເປັນໃຫ້ຄົບຖ້ວນ ເຊັ່ນ: ປາກກາ, ບິກ, ບັນທັດ, ສໍດໍາ, ຢາງລຶບ, ວົງວຽນຫລືຊຸດເລຂາຄະນິດ, ຫ້າມນໍາເອົາຈັກຄິດໄລ່ເລກ, ຕາຕະລາງຖານມູນເຄມີ, ຕາຕະລາງຄິດໄລ່ແບບຕັ້ງສົມຜົນຕ່າງໆ, ຮູບພາບ, ແຜນທີ່, ໜັງສືພິມ, ວາລະສານ, ໂທລະສັບ ແລະ ອຸປະກອນອື່ນໆ ທີ່ບໍ່ໄດ້ຮັບອະນຸຍາດເຂົ້າໃນຫ້ອງສອບເສັງຢ່າງເດັດຂາດ, ວີຊາທີ່ຈະສອບເສັງມີທັງໝົດ 4 ວີຊາ ຄື: ວີຊາພາສາລາວວັນນະຄະດີ, ວີຊາຊິວະສາດ, ວີຊາຄະນິດສາດ ແລະ ວີຊາພູມສາດ, ສໍາລັບການສອບເສັງຄັ້ງນີ້ ແມ່ນຈະໄດ້ດໍາເນີນ2ວັນນັບແຕ່ວັນທີ 19-20 ມີຖຸນາ ຈິ່ງສໍາເລັດ100 ສ່ວນຮ້ອຍ, ຈາກນັ້ນໃນພິທີທ່ານຫົວໜ້າສຶກສາພ້ອມຄະນະກໍາມະການຍາມຫ້ອງສອບກໍ່ໄດ້ຮ່ວມຕັດຫົວບົດສອບເສັງຕໍ່ໜ້ານັກຮຽນ ແລະ ຄູອາຈານເປີດການສອບເສັງຂື້ນຢ່າງເປັນທາງການ, ຄາດວ່າການສອບເສັງຢູ່ໃນສູນສອບເສັງມັດທະຍົມສົມບູນເຊໂປນ ຄັ້ງນີ້ຈະໃຫ້ໄດ້100 ສ່ວນຮ້ອຍ

ແຫລ່ງຂ່າວ ທີມຂ່າວ ເມືອງເຊໂປນ

Editor: ກຳປານາດ ລັດຖະເຮົ້າ