ເພື່ອປະຕິບັດຕາມຄໍາສັ່ງແນະນໍາ ຂອງລັດຖະມົນຕີກະຊວງສືກສາທິການ ແລະ ກິລາສະບັບເລກທີ່7416/ສສກ,ລົງວັນທີ 11 ທັນວາ 2017, ວ່າດ້ວຍການຈັດຕັ້ງປະຕິບັດຫຼັກສູດສາຍສາມັນ ສົກຮຽນ 2017-2018 ດັ່ງນັ້ນໃນວັນທີ 19-20 ມິຖຸນາ 2018 ຢູ່ທີ່ໂຮງຮຽນ ມໍສໍ ເມືອງບົວລະພາ ໄດ້ເປີດຫົວບົດບັ້ນສອບເສັງ ຈົບຊັ້ນມັດທະຍົມຕອນປາຍ ໂດຍ ການເຂົ້າຮ່ວມຂອງທ່ານ ຄຳໄຊ ຕາງນະວົງ ຮອງເຈົ້າເມືອງ ເມືອງບົວລະພາ, ທ່ານ ແສງ ໂພທິສານ ຫົວໜ້າສູນນິເທດສຶກສາທິການ ແລະ ກິລາແຂວງ ທ່ານ ສຸບັນ ສຸວັນນະວົງ ຫົວໜ້າສຶກສາ ແລະ ກິລາເມືອງ ພ້ອມດ້ວຍຄູ-ອາຈານ ແລະ ນ້ອງນັກຮຽນປະຈໍາສູນສອບເສັງເມືອງບົວລະພາ ແລະ ມີ 4 ໂຮງຮຽນເຂົ້າຮ່ວມ.
ການສອບເສັງຈົບຊັ້ນມັດທະຍົມຕອນປາຍ (ມ7) ໃນຄັ້ງນີ້ ມີນັກຮຽນທີ່ມາຈາກໂຮງຮຽນອ້ອມຂ້າງເມືອງ ມີ 4 ໂຮງຮຽນມັດທະຍົມສົມບູນ ເມືອງບົວລະພາ, ໂຮງຮຽນມັດທະຍົມສົມບູນ ສະອາງ ໂຮງ ຮຽນ ມັດທະຍົມສົມບູນ ຫຼັງຄັງ ແລະ ໂຮງຮຽນ ມັດທະຍົມສົມບູນ ໂພເມືອງ. ມີນັກຮຽນທັງໜົດ 222 ຄົນ, ຍິງ 109 ຄົນ ສໍາລັບວິຊາສອບເສັງ ມີ 4 ວິຊາຄື: ວິຊາພາສາລາວ-ວັນນະຄະດີ ,ວິຊາຊີວະສາດ , ວິຊາຄະນິດສາດ ແລະ ວິຊາພູມສາດ.
ໃນບັ້ນສອບເສັງໃນຄັ້ງນີ້ ທ່ານ ຄໍາໄຊ ຕາງນະວົງ ຮອງເຈົ້າເມືອງໆບົວລະພາ ໄດ້ເນັ້ນໜັກໃຫ້ ນ້ອງນັກຮຽນ ແລະ ຄູ-ອາຈານ ຕ້ອງເອົາໃຈໃສ່ໃນການຄົ້ນຄ້ວາ ແລະ ເປັນເຈົ້າການໃນການປະ ຕິບັດ ກົດລະບຽບຂອງການສອບເສັງຢ່າງເຂັ້ມງວດ.
ນັກຮຽນທີ່ມາຈາກໂຮງຮຽນອ້ອມຂ້າງເມືອງ ມີ 4 ໂຮງຮຽນ ມໍສໍ ເມືອງບົວລະພາ ໂຮງຮຽນ ມໍສໍ ສະອາງ ໂຮງຮຽນ ມໍສໍ ຫູັງຄັງ ໂຮງຮຽນ ມໍສໍ ໂພເມືອງ ເຂົ້າຮ່ວມຢ່າງພ້ອມພຽງ

Editor: ນັກຂ່າວເມືອງບົວລະພາ