ໃນຕອນແລງຂອງວັນທີ 11 ມີຖຸນາ 2018 ຢູ່ສະໂມສອນໂຮງຮຽນ ມສ ວຽງທອງ, ເມືອງ ວຽງທອງ, ແຂວງ ບໍລິຄໍາໄຊ ໄດ້ຈັດພິທີສອບເສັງຈົບຊັ້ນມັນທະຍົມຕອນຕັ້ນຊັ້ນ ມ4 ສາຍສາມັນ ສົກຮຽນ 2017-2018. ໂດຍເປັນກຽດເຂົ້າຮ່ວມເປັນປະທານ ຂອງ ທ່ານ ຄໍາມອນ ໄຊພົມມີ ຮອງເລຂາພັກເມືອງ, ຮອງເຈົ້າາເມືອງ ວຽງທອງ, ມີຄະນະຮັບຜິດຊອບຂັ້ນແຂວງ, ຂັ້ນເມືອງ, ຄູ-ອານ ແລະ ນ້ອງນັກຮຽນເຂົ້າຮ່ວມ.
ໃນພິທີໄດ້ຜ່ານຂໍ້ຕົກລົງຂອງທ່ານເຈົ້າເມືອງວ່າດ້ວຍການ ແຕ່ງຕັ້ງຄະນະກໍາມະການຮັບຜິດຊອບບັ້ນສອບເສັງ. ທົ່ວ ເມືອງວຽງທອງ ມີໂຮງຮຽນມັດທະຍົມ 6 ແຫ່ງ, ມ ຕົ້ນ 4 ແຫ່ງ, ມສ 2 ແຫ່ງ, ແບ່ງສູນສອບຈົບຊັ້ນ ມ4 ເປັນ 2 ສູນສອບເສັງ ຄືື: ສູນສອບເສັງ ມສ ວຽງທອງ ແລະ ສູນສອບເສັງ ມສ ຈອມທອງ. ສູນສອບເສັງ ມສ ວຽງທອງ ປະກອບມີ ມສ ວຽງທອງ, ມຕົ້ນ ນໍ້າກ້າງ ແລະ ມຕົ້ນ ມີໄຊ, ມີນັກສອບເສັງທັງໝົດ 393 ຄົນ, ຍິງ 172 ຄົນ, ເຊິ່ງແບ່ງເປັນ 18 ຫ້ອງສອບເສັງ, ຫ້ອງໜຶ່ງ ຕໍ່ 21 – 22 ຄົນ ແລະ ສູນສອບເສັງ ມສ ຈອມທອງປະກອບມີ: ມສ ຈອມທອງ, ມຕົ້ນ ທ່າເດື່ອ, ມຕົ້ນ ນາເພີນ, ມີນັກສອບເສັງທັງໝົດ 161 ຄົນ, ຍິງ 57 ຄົນ, ແບ່ງເປັນ 7 ຫ້ອງສອບເສັງ , ຫ້ອງໜຶ່ງຕໍ່ 23 ຄົນ, ວິຊາທີ່ນໍາເຂົ້າສອບເສັງມີ 6 ວິຊາຄື: ວິຊາພາສາລາວ-ວັນນະຄະດີ, ວິຊາສຶກສາພົນລະເມືອງ, ວິຊາວິທະຍາສາດທໍາມະຊາດ, ວິຊາວິທະຍາສາດ-ສັງຄົມ, ວິຊາຄະນິດສາດ ແລະ ວິຊາພາສາອັງກິດ. ການສອບເສັງຄັ້ງນີ້ຈະໃຊ້ເວລາ 3 ວັນ ເລີ່ມແຕ່ວັນທີ່ 12-14 ຈຶ່ງຈະປິດ.
ຕອນທ້າຍກໍ່ໄດ້ຮັບຟັງການໂອ້ລົມຈາກ ທ່ານ ຄໍາມອນ ໄຊພົມມີ ຮອງເຈົ້າເມືອງ ວຽງທອງ ໂດຍທ່ານໄດ້ ເໜັ້ນໃຫ້ ກໍາມະການຍາມຫ້ອງສອບເສັງ ແລະ ນັກສອບເສັງຈົ່ງປະຕິບັດລະບຽບການສອບເສັງຢ່າງເຂັ້ມງວດ ໂດຍປາສະຈາກການນໍາເອົາເຈ້ຍໃຫຍ່-ເຈ້ຍນ້ອຍເຂົ້າຫ້ອງສອບເສັງ, ປະຕິບັດຕາມໂມງເວລາທີ່ກໍານົດໄວ້, ທັງນີ້ ກໍ່ເພື່ອເຮັດໃຫ້ການສອບເສັງຄັ້ງນີ້ ໄດ້ຮັບປະສິດຕິພາບສຸງ ແລະ ໄດ້ຕາມຄາດໝາຍ.
Editor: ເມືອງວຽງທອງ