ໃນລະຫ່ວາງວັນທີ່ 7-8 ມີຖຸນາ 2018 ຜ່ານມານີ້ ຢູ່ທີ່ຫ້ອງປະຊຸມຫ້ອງການສືກສາທິການ ແລະ ກິລາເມືອງ ປາກລາຍ, ແຂວງ ໄຊຍະບູລີ ໄດ້ເປີດກອງປະຊຸມຜູ້ບໍລິຫານການສຶກສາຂື້ນ ໂດຍພາຍໃຕ້ການເປັນປະທານຂອງທ່ານ ສົມໃຈ ຄຳມູນທາ ກຳມະການພັກເມືອງຫົວໜ້າຫ້ອງການສຶກສາທິການ ແລະ ກິລາ. ເປັນກຽດເຂົ້າຮ່ວມຂອງທ່ານ ນາງ ພິມປະໄພ ສຸຂະລາດ ຄະນະປະຈຳພັກເມືອງ ຮອງເຈົ້າເມືອງໆປາກລາຍຜູ້ຊີ້ນຳຂົງເຂດວັດທະນະທຳ-ສັງຄົມ, ມີຫົວໜ້າຮອງຫົວໜ້າຫ້ອງການ ແລະ ຜູ້ບໍລິຫານໂຮງຮຽນໃນທົ່ວເມືອງພ້ອມດ້ວຍວິຊາການທີ່ກ່ຽວເຂົ້າຮ່ວມ.
ໃນພິທີທ່ານ ສຸກສະຫວັນ ບຸນທອງສຸກ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ກໍ່ໄດ້ຂື້ນ ຜ່ານບົດສະຫຼຸບຕີລາຄືນສະພາບການສືກສາ ແລະ ກິລາ ໃນສົກຮຽນ 2017-2018 ແລະ ຜ່ານແຜນພັດທະນາການສຶກກສາ ແລະ ກິລາ ສົກປີ 2018-2019, ວິໄສທັດການພັດທະນາການສືກສາ ແລະ ກິລາ ຮອດປີ 2020, ວຽກງານການສຶກສາ ແລະ ກິລາ ໄດ້ຮັບການປັບປຸງ ແລະ ດີຂື້ນເທື່ອລະກ້າວ ແຕ່ກໍ່ຍັງມີບັນຫາ ແລະ ສິ່ງທ້າທາຍທີ່ເປັນອຸປະສັກຕໍ່ການພັດທະນາການສືກສາ. ເຊີ່ງໃນສົກປີ 2017-2018 ຜ່ານມາ ແຕ່ພາຍໃຕ້ການຊີ້ນຳໆພາຂອງຄະນະນຳພະແນກສຶກສາທິການ ແລະ ກິລາແຂວງ, ອຳນາດການປົກຄອງເມືອງ, ຄະນະນຳການສຶກສາທິການ ແລະ ກິລາເມືອງ, ຕະຫຼອດຮອດຜູ້ບໍລິຫານການສຶກສາທຸກຂັ້ນໄດ້ເອົາໃຈໃສ່ປະຕິບັດພາລະໜ້າທີ່ ຈົນສາມາດຍາດໄດ້ຜົນສຳເລັດເປັນພື້ນ ຖານສະແດງອອກຄື: ທົ່ວເມືອງປາກລາຍມີໂຮງຮຽນລ້ຽງເດັກ-ອະນຸບານ ທັງໝົດ 48 ແຫ່ງ, ມີນັກຮຽນລ້ຽງເດັກ-ອະນຸບານ ແລະ ກຽມ ທັງໝົດ 2.924 ຄົນ, ຍິງ 1.479 ຄົນ. ອັດຕາການເຂົ້າຮຽນຂອງເດັກ 0-2 ປະຕິບັດໄດ້ 4,8% ເພີ່ມຂື້ນ 1,1 %, ອັດຕາການເຂົ້າຮຽນເດັກ 3-5 ປີ ປະຕິບັດໄດ້ 78,5% ເພີ່ມຂື້ນ 6,4%, ອັດຕາການເຂົ້າຮຽນຂອງເດັກກຸ່ມອາຍຸ 5 ປີ ປະຕິບັດໄດ້ 93,2% ເພີ່ມຂື້ນ 8 %, ມີໂຮງຮຽນປະຖົມທັງໝົດ 69 ແຫ່ງມີນັກຮຽນທັງໝົດ 6.745 ຄົນ, ຍິງ 3.337 ຄົນ. ອັດຕາການເຂົ້າຮຽນໃໝ່ສຸດທິ ປ 1 ປະຕິບັດໄດ້ 99,9 % ເພີ່ມຂື້ນ 0,1 %, ອັດຕາການເຂົ້າຮຽນສຸດທິປະຖົມປະຕິບັດໄດ້ 99,8 % ເທົ່າກັບສົກຮຽນຜ່ານມາ, ອັດຕາປະລະຊັ້ນປະຖົມທັງໝົດ 0,5 %ເພີ່ມຂື້ນ 0,4 %, ອັດຕາຄ້າງຫ້ອງລວມຊັ້ນປະຖົມປະຕິບັດໄດ້ 0,4 % ເທົ່າສົກຮຽນຜ່ານມາ, ອັດຕາການເລື່ອນຂັ້ນ-ຈົບຊັ້ນປະຕິບັດໄດ້ 99 % ຫຼຸດລົງ 0,5 %, ມີໂຮງຮຽນມັດທະຍົມຕົ້ນ 7 ແຫ່ງ, ມີນັກຮຽນທັງໝົດ 4.407 ຄົນ, ຍິງ 2.134 ຄົນ, ອັດຕາການເລື່ອນຈາກ ປ 5 - ມ 1 ປະຕິບັດໄດ້ 90,6 % ຫຼຸດລົງ 1,5 %, ອັດຕາເຂົ້າຮຽນລວມປະຕິບັດໄດ້ 91 % ເພີ່ມຂື້ນ 0,6 %, ອັດຕາການປະລະປະຕິບັດໄດ້ 8,3 %, ເພີ່ມຂື້ນ 2,2 %, ອັດຕາການຄ້າງຫ້ອງປະຕິບັດໄດ້ 1 %ເພີ່ມຂື້ນ 0,6 %, ອັດຕາການເລື່ອນຂັ້ນຈົບຊັ້ນປະຕິບັດໄດ້ 90,7 % ຫຼຸດລົງ 2,7 %, ມີໂຮງຮຽນມັດທະຍົມສົມບູນ 8 ແຫ່ງ ມີນັກຮຽນທັງໝົດ 2.591 ຄົນ, ຍິງ 1.325 ຄົນ, ອັດຕາການເລື່ອນຂັ້ນຈາກ ມ 4 - ມ 5 ປະຕິບັດໄດ້ 84,9 % ຫຼຸດລົງ 3,9 %, ອັດຕາການເຂົ້າຮຽນທັງໝົດປະຕິບັດໄດ້ 63,6 % ເພີ່ມຂື້ນ 0,2 %, ອັດຕາການປະລະປະຕິບັດໄດ້ 7 % ເພີ່ມຂື້ນ 2,4 %, ອັດຕາການຄ້າງຫ້ອງປະຕິບັດໄດ້ 1 % ເພີ່ມຂື້ນ 0,8 %, ອັດຕາການເລື່ອນຂັ້ນຈົບຊັ້ນປະຕິບັດໄດ້ 92, 1 % ຫຼຸດລົງ 3,1 %. ນອກຈາກນັ້ນຍັງໄດ້ເປີດການຮຽນການສອນບຸງລຸງຍົກລະດັບມັດທະຍົມຕົ້ນ ແລະ ຕອນປາຍ ຢູ່ກອງພັນໃຫຍ່ ສອງສູນຫນຶ່ງ 201 ເຊີ່ງມີນັກຮຽນທັງໝົດ 118 ຄົນ, ຍິງ 1 ຄົນ.
ກອງປະຊຸມໃນຄັ້ງນີ້ໄດ້ເປັນເອກະພາບກັນຮັບຮອງເອົາບັນຫາສຳຄັນ ເພື່ອນຳເອົາໄປຈັດຕັ້ງປະຕິບັດໃນຕໍ່ ໜ້າຄື: ສືບຕໍ່ປະຕິບັດໂຮງຮຽນຕົວແບບປອດສິ່ງເສບຕິດ ແລະ ມີຈຸດສຸມສ້າງໂຮງຮຽນຕົວແບບສະອາດສວຍງາມຢູ່ແຕ່ລະກຸ່ມໂຮງຮຽນປະຖົມ ແລະ ມັດທະຍົມຕອນຕົ້ນ, ເອົາໃຈໃສ່ສຶກສາອົບຮົມການເມືອງແນວຄິດໃຫ້ແກ່ຄູ-ອາຈານ ແລະ ນ້ອງນັກຮຽນຮັບປະກັນບໍ່ໃຫ້ມີຫາງສຽງຈາກສັງຄົມເກີດຂື້ນໃນຂົງເຂດການສຶກສາ, ເອົາໃນໃສ່ປະຕິບັດກົດໝາຍໃຫ້ເຂັ້ມງວດຈຳກັດແກ້ໄຂຕ້ານ ແລະ ສະກັດກັ້ນສິ່ງຫຍໍ້ທໍ້ຕ່າງໆໃຫ້ນັບມື້ນັບຫຼຸດນ້ອຍຖອບລົງ ແລະ ໝົດໄປ, ສືບຕໍ່ປັບປຸງຄຸນນະພາບການຮຽນ-ການສອນ, ຊຸກຍູ້ການບຳລຸງນັກຮຽນເກັ່ງ, ນັກຮຽນອ່ອນໃຫ້ເປັນລະບົບຕໍ່ເນື່ອງ ແນ່ໃສ່ເຮັດໃຫ້ວຽກງານການສືກສາ ແລະ ກິລາ ຢູ່ພາຍໃນເມືອງໃຫ້ມີຜົນສຳເລັດເປັນກ້າວໆ

Editor: ຕະວັນ ແສງສະຫວັນ