ຫ້ອງການສຶກສາ ທິການ ແລະ ກິລາເມືອງຫົງສາ ໄດ້ສໍາເລັດ ກອງປະຊຸມ ຜູ່ບໍລິຫານການສຶກສາ ແລະ ກິລາຂັ້ນເມືອງ ປີ 2018 ຂື້ນ,ເຊີ່ງໄດ້ດໍາເນີນມາເປັນເວລາ 2 ວັນ ແຕວັນທີ 7 - 8 ໂດຍການໃຫ້ກຽດເຂົ້າຮ່ວມ ຂອງ ທ່ານນາງ ດາວ ວິນລາດຊະກິດ ຮອງເຈົ້າເມືອງຫົງສາ ຜູ່ຊີ້ນໍາວຽກງານວັດທະນະທໍາສັງຄົມຂອງເມືອງ, ມີ ທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ,ຜູ່ຊີ້ນໍາວຽກງານການສຶກສາ 4 ເມືອງເໜືອແຂວງໄຊຍະບູລີ, ທ່ານ ປ່ຽນ ຈິນດາ ຫົວໜ້າຫ້ອງການສຶກທິການ ແລະ ກິລາເມືອງ, ມີຜູ່ບໍລິຫານອໍານວຍການໂຮງຮຽນທົ່ວເມືອງ ຄູອາຈານ ແລະ ແຂກຖືກເຊີນເຂົ້າຮ່ວມທັງໝົດ 138 ຄົນ,ຍິງ 39 ຄົນ.

ຈຸດປະສົງ: ຂອງກອງປະຊຸມໃນຄັ້ງນີ້ ເພື່ອເປັນການຕີລາຄືນ ດ້ານດີ - ດ້ານອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດແຜນພັດທະນາການສຶກສາປະຈໍາສົກຮຽນ 2017 – 2018 ຕາມ 3 ແຜນງານຂອງກະຊວງສຶກສາວາງອອກຄື: ແຜນງານຂະຫຍາຍໂອກາດເຂົ້າຮຽນ,ແຜນງານປັບປຸງຄຸນນະພາບ ແລະ ຄວາມສອດຄ່ອງ,ແຜນງານບໍລິຫານ ແລະ ການຄຸ້ມຄອງການສຶກສາ,ໃນໂອກາດດັ່ງກ່າວນີ້ ຜູ່ເຂົ້າຮ່ວມແມ່ນໄດ້ພ້ອມກັນຮັບຟັງ ຜ່ານບົດສະຫຼຸບປະຈໍາສົກຮຽນ 2017 – 2018 ແລະ ແຜນການປະຈໍາສົກຮຽນ 2018 – 2019 ຈາກ ທ່ານ ປຽ່ນ ຈິນດາ ຫົວ ໜ້າຫ້ອງການສຶກທິການ ແລະ ກິລາເມືອງ, ຮັບຟັງຄາດໝາຍມະຕິກອງປະຊຸຸມຂອງສະພາແຫ່ງຊາດສະໄໝ 4 (ຂະແໜງການສຶກສາ) ແລະ ບັນດາເປົ້າໝາຍຂອງແຜນພັດທະນາການສຶກສາຄັ້ງທີ 8 ( 2016 – 2020), ຮັບຟັງບົດ ວິໄຈສະພາບບັນຫາຂອງວຽກງານສຶກສາທົ່ວເມືອງ, ກົດໝາຍວ່າດ້ວຍການສຶກສາສະບັບປັງປຸງ ແລະ ຮັບຟັງຄໍາສັ່ງວ່າດ້ວຍການປະຍັດລາຍຈ່າຍງົບປະມານແຫ່ງຊາດ ຂອງລັດຖະມົນຕີກະຊວງສຶກສາທິການ ແລະ ກິລາ, ແລະ ຮັບຟັງການປະກອບຄໍາຄິດ ຄໍາເຫັນ ຈາກຜູ່ເຂົ້າຮວ່ມຢ່າງກົງໄປກົງມາ ເພື່ອເປັນເອກະພາບກັນ,ພ້ອມກັນນໍາໄປປັບປຸງແກ້ໄຂ ແລະ ພັດທະນາວຽກງານດັ່ງກ່າວ ໃຫ້ດີຂື້ນເລື້ອຍໆ.

ໃນຕອນທ້າຍກອງປະຊຸມ ທ່ານນາງ ດາວ ວິນລາດຊະກິດ ຮອງເຈົ້າເມືອງຫົງສາ ກໍ່ໄດ້ໃຫ້ກຽດໂອ້ລົມ ແລະ ເໜັກໜັກຫຼາຍບັນຫາ ເປັນຕົ້ນແມ່ນໃຫ້ເພີ່ມທະວີສຶກສາອົບຮົມແນວຄິດໃຫ້ຖັນແຖວພະນັກງານຄູອາຈານ ແລະ ນ້ອງນັກຮຽນໃຫ້ມີຄວາມໜັກແໜ້ນ.ເລິກເຊີ່ງ, ເອົາໃຈໃສ່ປັບປຸງແບບແຜນວິທີເຮັດວຽໃຫ້ມີຄວາມຖືກຕ້ອງຕາມລະບົບຂອງການບໍລິຫານການຄຸ້ມຄອງ, ກໍາແໜ້ນບັນດາ 8 ໜ້າວຽກຂອງຜູ່ອໍານວຍການໂຮງຮຽນໃຫ້ເລີກເຊີ່ງ, ກໍາແໜ້ນ 15 ຄາດໝາຍຂອງສະພາແຫ່ງຊາດທີ່ວາງໄວ້, ຊຸກຍູ້ຂະບວນການຮຽນດີ - ຮຽນເກັ່ງ ເລັ່ງໃສ່ວຽກງານວິຊາສະເພາະ ສ້າງ ແລະ ຊວ່ຍເຫຼືອເຊີ່ງກັນ ແລະ ກັນ ເພື່ອໃຫ້ໄດ້ສະເໜີຕໍາແໜ່ງວິຊາການຄູ ແລະ ບັນຫາອື່ນໆຕື່ມອີກ.

Editor: ກຳປານາດ ລັດຖະເຮົ້າ