ໂຮງຮຽນປະຖົມສົມບຸນບ້ານວຽງໄຊ-ນາຫຼວງເມືອງວັງວຽງ, ແຂວງວຽງຈັນ ໄດ້ຈັດພິທີສະຫຼຸບສົກຮຽນ 2017-2018 ຂຶ້ນ. ໂດຍການເຂົ້າຮ່ວມຂອງ ທ່ານ ກຸດຕະລີ ແກ້ວເຂັ້ມເພັດ ຮອງຫົວໜ້າຫ້ອງການສຶກສາທິການ ແລະ ກິລາເມືອງວັງວຽງ ,ມີ ທ່ານ ສີສົງຄາມ ສຸກກະເສີມ ນາຍບ້ານໆວຽງໄຊ, ມີ ທ່ານ ຄໍາຫວາຍ ໄຊຍະລາດ ປະທານສະມະຄົມ ພໍ່ແມ່ນັກຮຽນ, ມີຫົວຫນ້າໂຮງຮຽນ, ຄູ-ອາຈານ, ພໍ່ແມ່ນັກຮຽນ ພ້ອມດ້ວຍນ້ອງນັກຮຽນເຂົ້າຮ່ວມ.

ໃນພີທີ ທ່ານນາງ ຈັນດາ ເພັງພຸດທະວົງ ຫົວໜ້າໂຮງຮຽນ ໄດ້ຂຶ້ນຜ່ານບົດສະຫຼຸບໃນການປະຕິບັດວຽກງານການຮຽນການສອນໃນ 1 ສົກຮຽນຜ່ານມາວ່າ ໂຮງຮຽນແຫ່ງນີ້ມີ 2 ຊັ້ນຮຽນຄື ຊັ້ນອານຸບານ ແລະ ຊັ້ນປະຖົມ, ຊັ້ນຮຽນອານຸບານ 1 ຫາ ອະນຸບານ 3 ມີ 2 ຫ້ອງຮຽນ, ມີນັກຮຽນທັງໝົດ 48 ຄົນ, ຍິງ 22 ຄົນ, ມີຄູສອນ 3 ຄົນ, ຍິງ 3 , ຊັ້ນປະຖົມມີ 5 ຫ້ອງຮຽນແຕ່ປໍ 1-5 ມີ 6 ຫ້ອງຮຽນ, ມີນັກຮຽນທັງໝົດ 130 ຄົນ, ຍິງ 62 ຄົນ, ມີຄູທັງໝົດ 7 ຄົນ, ຍິງ 6 ຄົນ. ຄູສອນທັງໝົດມີ 10 ຄົນ, ຍີງ 9 ຄົນ, ຊັ້ນຕົ້ນ 1 ຄົນ, ຊັ້ນກາງ 6 ຄົນ, ຊັ້ນສູງ 3 ຄົນ. ໃນໄລຍະ 1 ສົກຮຽນເຫັນວ່າຄູ ແລະ ນັກຮຽນ ມີຄວາມເປັນລະບຽບຮຽບຮ້ອຍດີ, ມີແນວຄິດອຸ່ນອຽນທຸ່ນທ່ຽງຫ້າວຫັນຕໍ່ໜ້າທີວຽກງານ ພ້ອມກັນຈັດຕັ້ງປະຕິບັດແຜນພັດທະນາການສຶກສາທີ່ໄດ້ວ່າງອອກລະບຸຕາມຄາດໝາຍ ເຊິ່ງສະແດງຄືຄູອາຈານທຸກຄົນແມ່ນໄດ້ສຸມຈິດສຸມໃຈໃສ່ ໃນການສິດສອນ, ຂຶ້ນຫ້ອງສອນ,ແຕ່ງບົດສອນຕາມໂຄ້ງການຫຼັກສູດ ແລະ ຖຶກຕາມປະມວນການສອນ, ຄູອາຈານຍັງໄດ້ເອົາໃຈໃສບຳລຸງນັກຮຽນຊັ້ນປໍ 5 ເພື່ອສ້າງເປົ້າໝາຍນັກຮຽນເກັ່ງເພື່ອເລືອກເອົານັກຮຽນເກັ່ງໄປເສັງຂັ້ນກຸ່ມມີ 8 ນ້ອງ, ໃນ 1 ສົກຮຽນມີນັກຮຽນທີ່ໄດ້ຄະແນນ 7 ຂຶ້ນໄປມີ 7 ນ້ອງ, ນັກຮຽນເກັງປະເພດ 1 ແຕ່ປໍ1-ປ5, ມີ 7 ນ້ອງ, ປະເພດ 2 ແຕ່ ປໍ1-ປ5, ມີ 6 ນ້ອງ, ປະເພດ 3 ແຕ່ ປໍ1-ປ5 , ມີ 6 ນ້ອງ, ຜ່ານການປະເມີນການສອນເສັງເລື່ອນຊັ້ນ ແລະ ຈົບຊັ້ນປໍ 1-5 ມີທັງໝົດ 130 ນ້ອງ, ຍິງ 62 ຄົນ. ສອບເສັງໄດ້ທັງໝົດ 130 ນ້ອງ, ສະເລ່ຍໄດ້ 100 ສ່ວນຮ້ອຍ.

ໃນພິທີຍັງໄດ້ມອບໃບຍ້ອງຍໍໃຫ້ຄູອາຈານທີ່ປະຕິບັດວຽກງານໃນໄລຍະຜ່ານມາໃບຍ້ອງຍໍຂັ້ນເຈົ້າແຂວງມີ 6 ສະຫາຍ, ຍິງ5 ສະຫາຍ, ຂັ້ນຫົວໜ້າພະແນກສຶກສາທິການ ແລະ ກິລາແຂວງ 3 ສະຫາຍ ໃຫ້ກຽດຂຶ້ນມອບໂດຍ ທ່ານ ກຸດຕະລີ ແກ້ວເຂັ້ມເພັດ ຮອງຫົວໜ້າຫ້ອງການສຶກສາທິການ ແລະ ກິລາເມືອງວັງວຽງ. ໃນໂອກາດດຽວກັນນີ້ຍັງໄດ້ມອບໃບຍ້ອງຍໍ ແລະ ຂອງຂວັນໃຫ້ນ້ອງນ້ອຍນັກຮຽນທີຮຽນເກັ່ງໂດຍປະທານຜັດປ່ຽນກັນຂຶ້ນມອບ

Editor: ກຳປານາດ ລັດຖະເຮົ້າ