ໃນວັນທີ 9 ພຶດສະພາ ທີ່ຜ່ານມານີ້ ທ່ານ ອາຈານ ຖາວອນ ມູນສຳຫລວດ ໄດ້ນຳພາສະມາຊິກຊາວໜຸ່ມພະນັກງານ ແລະ ຊາວໜຸ່ມນັກສຶກສາຮາກຖານມະຫາວິທະຍາໄລສະຫວັນນະເຂດ ສ້າງຂະ ບວນການ ສ້ອມແປງເສັ້ນທາງທີ່ເປ່ເພເສຍຫາຍຄືນໃໝ່ ໂດຍມີຊາວໜຸ່ມ ພະນັກງານ-ລັດຖະກອນ ແລະ ນັກສຶກສາມະຫາວິທະຍາໄລສະຫວັນນະເຂດ ແລະ ພາກສ່ວນຕ່າງໆເຂົ້າຮ່ວມ.
ການສ້ອມແປງເສັ້ນທາງຄືນໃນຄັ້ງນີ້ ໄດ້ມີການສ້ອມແປງຢູ່ 1 ຈຸດຄື: ຈຸດທີ 1 ແມ່ນຢູ່ເຂດບ້ານນາເຊັງ ເມືອງໄກສອນ ພົມວິຫານ ແຂວງສະຫວັນນະເຂດ, ເຊິ່ງເສັ້ນທາງດັ່ງກ່າວ ແມ່ນໄດ້ເປ່ເພເສຍຫາຍໜັກ, ເພາະໃນທຸກໆປີເມື່ອຮອດລະດູຝົນ ຈະພົບເຫັນເສັ້ນທາງດັ່ງກ່າວ ມີຂຸມເລິກ, ເຮັດໃຫ້ການສັນຈອນໄປ-ມາຂອງພະນັກງານຄູ-ອາຈານ ແລະ ນັກສຶກສາ-ປະຊາຊົນພາຍໃນບ້ານ ຜູ້ທີ່ເດີນທາງເຂົ້າມາ ພົບຄວາມຫຍຸ້ງຍາກລຳບາກ ສາເຫດຍ້ອນເສັ້ນທາງດັ່ງກ່າວ ເປັນເສັ້ນທາງມີຂຸມເລິກຫລາຍ ເມື່ອມີຝົນຕົກລົງມາໃສ່ ກໍ່ເຮັດໃຫ້ເສັ້ນທາງມີການເຊາະເຈື່ອນ, ເປິະເປື້ອນ ແລະ ເປ່ເພ ເຊິ່ງຍາກຕໍ່ການສັນຈອນ, ເພາະເປັນເສັ້ນທາງດຽວທີ່ຜູ້ຄົນສ່ວນຫຼາຍໃຊ້ເດີນທາງເຂົ້າມາສຶກສາຮໍ່າຮຽນໃນມະຫາວິທະ ຍາໄລສະຫວັນນະເຂດ.

Editor: ນັກຂ່າວເມືອງໄກສອນ ພົມວິຫານ