ຢູ່ເດີນໂຮງຮຽນມັດທະຍົມສົມບູນ ເມືອງໂພນໄຊ ແຂວງຫຼວງພະບາງ ໄດ້ຈັດພິທີຖາມ-ຕອບ ຄໍາຖາມວິທະຍາສາດ ແລະ ແຂ່ງຂັນສີລະປະວັນນະຄະດີຂອງບັນດາເຜົ່າ ແລະ ການມອບຂອງຂັວນລາງກິລາແຕ່ລະປະເພດ ລະຫ່ວາງ ຫ້ອງຕໍ່ຫ້ອງ ຢູ່ພາຍໃນໂຮງຮຽນ ມ.ສ ໂພນໄຊ ສົກຮຽນ 2017-2018 ໂດຍເຂົ້າຮ່ວມຂອງທ່ານ ທອງຈັນ ລັດຕະນະປະດິດ, ປະທານກວດກາພັກ-ລັດເມືອງ, ທ່ານ ສົມສີ ຈິດຕະພອນ ອໍານວຍການໂຮງຮຽນ ມ.ສ ໂພນໄຊ, ມີແຂກຖືກເຊີນຈາກຂະແໜງການອອ້ມຂ້າງເມືອງ ແລະ ນ້ອງນ້ອຍນັກຮຽນເຂົ້າຮ່ວມ.
ພິທີດັ່ງກ່າວ ນ້ອງນັກຮຽນແຕ່ຊັ້ນ ມໍ1 ຮອດ ມໍ 7 ມີການແຂ່ງຂັນກັນ ເປັນຕົ້ນແມ່ນຖາມ-ຕອບວິທະຍາສາດຂອງແຕ່ລະວິຊາຮຽນ ແລະ ບົດຟ້ອນ. ຂັບລໍາທ້ອງຖີ່ນຄື: ຂັບທຸ້ມ, ຂັບເຜົ່າມົ້ງ ແລະ ເຈີມຂອງເຜົ່າກຶມມຸ ຂອງແຕ່ລະຫ້ອງ ແລະ ແຕ່ລະຊັ້ນຮຽນ. ຊຶ່ງສາມາດສະຫຼູບໄດ້ວ່າ ອັນດັບທີ່ໜຶ່ງແມ່ນ ຫ້ອງ ມໍ 5/1, ອັນດັບທີ່ສອງແມ່ນຫ້ອງມໍ 6/5 ອັນດັບທີສາມ ຫ້ອງມໍ 6/3 ແລະ ອັນດັບທີສີ່ ຫ້ອງ ມໍ 3/2. ສໍາລັບບົດຟ້ອນງາມຂອງນັກຮຽນມັດທະຍົມຕອນຕົ້ນ ອັນດັບທີໜຶ່ງ ແມ່ນຫ້ອງ ມໍ 1/1, ອັນດັບທີສອງຫ້ອງ ມໍ 3/2 ແລະ ອັນດັບທີສາມ ມໍ 1/2 ບົດຟ້ອນງາມຂອງນັກຮຽນຊັ້ນມັດທະຍົມຕອນປາຍ ອັນດັບທີໜຶ່ງ ຫ້ອງ ມໍ 4/2 ອັນດັບທີສອງ ຫ້ອງ ມໍ 4/3 ແລະ ອັນດັບທີສາມ ຫ້ອງ ມໍ 4/1 ແລະ ການຂັບລໍາທ້ອງຖີ່ນຂັບທຸ້ມ ອັນດັບທີໜຶ່ງ ຫ້ອງ ມໍ 3/3 ອັນດັບທີສອງ ຫ້ອງ ມໍ 2/1 ແລະ ອັນດັບທີສາມ ຫ້ອງ ມໍ 1/5, ຂັບເຜົ່າມົ້ງ ອັນດັບທີໜຶ່ງ ຫ້ອງມໍ 2/2 ອັນດັບທີສອງ ຫ້ອງມໍ 6/5 ອັນດັບທີສາມ ຫ້ອງມໍ 4/2 ແລະ ເຕີມຂອງເຜົ່າກຶມມຸ ອັນດັບທີໜຶ່ງ ຫ້ອງມໍ 3/3 ອັນດັບທີສອງ ຫ້ອງມໍ 4/1 ອັນດັບທີສາມ ຫ້ອງມໍ 7/5 ແລະ ກິລາແຕ່ລະປະເພດມີ ບານເຕະຍິງ-ຊາຍ, ກະຕໍ້ ແລະ ບານສົ່ງ, ບານເຕະຊາຍ ອັນດັບທີໜຶ່ງຫ້ອງ ມໍ 7/3 ອັນດັບສອງຫ້ອງ ມໍ 6/5 ອັນດັບທີສາມ ຫ້ອງ ມໍ 6/3 ອັນດັບທີ່ໜຶ່ງບານເຕະຍິງ ຫ້ອງ ມໍ 7/1 ອັນດັບສອງ 7/5 ອັນດັບສາມ 5/4 ບານສົ່ງຊາຍ ອັນດັບທີໜຶ່ງ ຫ້ອງມໍ 6/1 ອັນດັບສອງ ຫ້ອງມໍ 7/3 ອັນດັບສາມ ຫ້ອງມໍ 5/5 ບານສົ່ງຍິງ ອັນດັບທີໜຶ່ງ ຫ້ອງມໍ 7/5 ອັນດັບສອງ ຫ້ອງມໍ 7/1 ອັນດັບສາມ ຫ້ອງມໍ 6/3 ແລະ ກະຕໍ້ຊາຍ ອັນດັບທີໜຶ່ງ ຫ້ອງ ມໍ 6/4 ອັນດັບສອງ ຫ້ອງມໍ 7/5 ອັນດັບສາມ ຫ້ອງມໍ 7/1 ກະຕໍ້ເພດຍິງ ອັນດັບທີໜຶ່ງ ຫ້ອງມໍ 5/1 ອັນດັບສອງ ຫ້ອງມໍ 5/4 ແລະ ອັນດັບທີສາມ ຫ້ອງ ມໍ 5/3.
ພ້ອມກັນນັ້ນ ຍັງໄດ້ມອບຂອງຂັວນໃຫ້ແກ່ນັກຮຽນເກັ່ງທັງ 2 ຄົນ ທີ່ໄປສອບເສັງຢູ່ນະຄອນ-ຫຼວງພະບາງ ແລະ ສາມາດຍາດເອົາອັນດັບທີໜຶ່ງຂອງແຂວງ ຊັ້ນ ປໍ 5 ສາຍພາສາລາວ ແລະ ອັນດັບທີໜຶ່ງຂອງຊັ້ນ ມໍ 4 ສາຍຄະນິດສາດ ແລະ ມອບຂອງຂັວນໃຫ້ແກ່ຄູ-ອາ ຈານທີ່ເປັນຄູຝືກຂອງນັກເກັ່ງທັງສອງຄົນ ມອບໂດຍແມ່ນ ທ່ານ ທອງຈັນ ລັດຕະນະປະດິດ ຮັບໂດຍນ້ອງນ້ອຍນັກຮຽນ ແລະ ຄູ-ອາຈານ.

Editor: ນັກຂ່າວເມືອງໂພນໄຊ