ໂດຍປະຕິບັດຕາມກົດລະບຽບຂອງພັກ ປະຊາຊົນ ປະຕິບັດລາວ ສະໄໝທີ 10 ໃນໝວດທີ 6 ມາດຕາ 30 ວ່າດ້ວຍ ວະລະກອງປະປະຊຸມໃຫຍ່ ຂອງໜ່ວຍພັກ 5 ປີໃດໃຫ້ໄດ້ດໍາເນີນ ກອງປະຊຸມໜື່ງເທືອ, ມາໃນວັນທີ 4 ເມສາ 2018 ນີ້, ໄດ້ຈັດໃຫ້ມີກອງປະຊຸມໜ່ວຍພັກ ຂອງໂຮງຮຽນ ມສ ຊຳໃຕ້ ຂື້ນຢູ່ສະໂມສອນຫ້ອງການສຶກສາທິການ ແລະ ກິລາ ເມືອງຊຳໃຕ້ ແຂວງຫົວພັນ ຢ່າງເປັນທາງການ. ໂດຍພາຍໃຕ້ການເປັນປະທານຂອງ ສະຫາຍ ເພັດໄຊ ວິໄລທອງ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ, ມີ ສະຫາຍ ມາລີ ຫ້ອມແສນເມືອງ ເລຂາໜ່ວຍພັກໂຮງຮຽນ, ມີແຂກທີ່ຖຶກເຊີນ, ຕະຫຼອດຮອດ ສະມາຊິກພັກ ພາຍໃນໜ່ວຍເຂົ້າຮ່ວມຢ່າງພ້ອມພຽງ.

ໃນກອງປະຊຸມຄັ້ງນີ້ ສະຫາຍ ມາລີ ຫອມແສນເມືອງ ເລຂາໜ່ວຍພັກ ໄດ້ຂື້ນມີຄໍາເຫັນເປິດກອງປະຊຸມ ແລະ ຜ່ານບົດລາຍງານການເມືອງທັງສອງພາກ ເຊີ່ງສະຫາຍໄດ້ຍົກໃຫ້ເຫັນດ້ານດີຜົນງານ ແລະ ດ້ານອ່ອນຄົງຄ້າງທີ່ໄດ້ພ້ອມກັນປັບປຸງແກ້ໄຂໃນສະເພາະໜ້າ. ໜ່ວຍພັກໂຮງຮຽນ ມສ ຊຳໃຕ້ ເປັນໜ່ວຍເອກະລາດ ທີ່ຂື້ນກັບຮາກຖານພັກສຶກສາ, ມີສຳມະຊິກພັກ ທັງໝົດ 37 ສະຫາຍ, ຍິງ 28 ສະຫາຍ, ສະມາຊິກພັກ ສຳຮອງ 7 ສະຫາຍ, ຍິງ 7 ສະຫາຍ, ລະດັບວິຊາສະເພາະຈົບຊັ້ນປະລີນຍາຕີ 25 ສະຫາຍ, ຍີງ 17 ສະຫາຍ, ຈົບຊັ້ນສູງ 11 ສະຫາຍ, ຍິງ10 ສະຫາຍ, ຊັ້ນກາງ 1 ສະຫາຍ ຍິງ 1 ສະຫາຍ, ພາຍໃນໂຮງຮຽນປະກອບມີ 30 ຫ້ອງຮຽນ, ມີນັກຮຽນທັງໝົດ 1 ພັນ 315 ຄົນ, ຍິງ 564 ຄົນ.

ຜ່ານການຈັດຕັ້ງປະຕິບັດ ມະຕິຂອງກອງປະຊຸມໃຫຍ່ ຄັ້ງທີ 2 ຂອງໜ່ວຍພັກໃນໄລຍະຜ່ານມາ ຄະນະພັກໄດ້ເອົາໃຈໃສ່ນຳເອົາແນວທາງນະໂຍບາຍຂອງພັກ, ກົດໝາຍຂອງລັດມາຈັດຕັ້ງປະຕິບັດເຜີຍແຜ່ໃຫ້ສຳມະຊິກ ແລະ ມະຫາຊົນໄດ້ຮັບຮູ້ຢ່າງທົ່ວເຖິ່ງ, ຊຸກຍູ້ການຮຽນ-ການສອນ ໃນແຕ່ລະສົກຮຽນໃຫ້ເປັນຂະບວນຟົດຟື້ນ, ແຕ່ງບົດສອນໃນວິຊາຫຼັກເກືອບທຸກວິຊາ ສະເລ່ຍສາມາດປະຕິບັດໄດ້ 98,37%, ສອນຄົບທຸກຫຼັກສູດຕຳລາ ແລະ ທັນຕາມແຜນການທີ່ກຳນົດໄວ້ ຮ້ອຍສ່ວຍຮອຍ(100%), ແຕ່ລະສົກຮຽນປະເມີນຄູສອນດີ-ສອນເກັ່ງມີ ຈໍານວນ ເພີ່ມຂື້ນ, ລວມມີ 44 ສະຫາຍ, ຍິງ 35 ສະຫາຍ, ກວມເອົາ 89,98% ຂອງຄູທັງໝົດ, ມີນັກຮຽນດີ-ຮຽນເກັ່ງ ສະເລ່ຍຄະແນນ 7,00 ຂື້ນໄປຂອງທຸກວິຊາ ມີ 1 ພັນ 17 ນ້ອງ ເທົ້າກັບ 22 ສ່ວນຮ້ອຍ, ຂອງນັກຮຽນທັງໝົດ, ສອນບຳລຸງນັກຮຽນເກັ່ງ ແລະ ນັກຮຽນອ່ອນໃນທຸກໆສົກຮຽນ, ໃນນີ້ມີນັກຮຽນຂັດເລືອກເຂົ້າສອບເສັງນັກຮຽນເກັ່ງຊັ້ນມໍ4 ຂັ້ນເມືອງໄດ້ 16 ນ້ອງ, ສາມາດໄດ້ອັນດັບ 1 ຂັ້ນເມືອງ 6 ນ້ອງ, ອັນດັບ 2 ແລະ 3 ໄດ້ 2 ນ້ອງ, ອັນ 2 ແລະ 3 ຂັ້ນແຂວງໄດ້ 2 ນ້ອງ. ຊັ້ນມໍ 7 ສາມາດຍາດໄດ້ອັນດັນທີ 1 ຂັ້ນເມືອງ ໄດ້ 6 ນ້ອງ, ອັນດັບ2 ແລະ 3 ຂັ້ນເມືອງໄດ້ 2 ນ້ອງ, ຍາດໄດ້ອັນດັບ1 ຂັ້ນແຂວງໄດ້ 1 ນ້ອງ, ແລະ ຍາດໄດ້ອັນດັບ 3 ລະດັບຊາດ ໄດ້ 1 ນ້ອງ.

ນອກນີ້ ວຽກງານນອກຫຼັກສູດເປັນຕົ້ນ: ກິລາ-ວັນນະຄະດີ ແລະ ການອອກແຮງງານ ກໍ່ໄດ້ຈັດຕັ້ງປະຕິບັດຢ່າງເປັນຂະບວນຟົົດຟື້ນ. ຫຼັງຈາກນັ້ນ ຜູ້ແທນຂອງກອງປະຊຸມຍັງໄດ້ພ້ອມກັນປະກອບຄຳຄິດ, ຄຳເຫັນຢ່າງກົງໄປ ກົງມາ, ເພື່ອສືບຕໍ່ດ້ານດີຜົນງານ, ແກ້ໄຂດ້ານອ່ອນຄົງຄ້າງ, ເພື່ອເຮັດໃຫ້ການຊີ້ນຳ-ນຳພາຂອງອົງການຈັດຕັ້ງພັກໂຮງຮຽນ ມສ ຊຳໃຕ້ ໃຫ້ນັບມື້ມີການພັດທະນາດີຂື້ນ. ໄປພ້ອມດຽວກັນນີ້ຜູແທນສົມບູນ ຍັງໄດ້ໃຊ້ສິດປະຊາທິປະໄຕ ປ່ອນບັດຄັດເລືອເອົາ ຄະນະພັກຊຸດໃໝ່, ໂດຍມີຜູ້ເຂົ້າສະມັກ 5 ສະຫາຍ, ເລືອກເອົາ 3 ສະຫາຍ, ຜ່ານການປ່ອນບັດຄັດເລືອກໄດ້ ສະຫາຍ ມີລີ ຫອມແສນເມືອງ ເປັນເລຂາ, ສະຫາຍ ນາງ ໄຫວພວງ ທອງຄຳມີ ແລະ ສະຫາຍ ພຸດໄຊ ມອນໄຊ ເປັນຄະນະຊຸດໃໝ່ ເພື່ອບໍລິຫານວຽກງານຂອງພັກຕາມມະຕິຂອງກອງປະຊຸມຄັ້ງນີ້ໃຫ້ປະກົດຜົນເປັນຈິງ.

 ແຫລ່ງຂ່າວຈາກ ສົມສຸກ ໄຊຍະວົງ ນັກຂ່າວເມືອງຊໍາໃຕ້ ແຂວງຫົວພັນ

Editor: ກຳປານາດ ລັດຖະເຮົ້າ