ໃນຕອນເຊົ້າຂອງວັນທີ 30 ມີນາ 2018 ນີ້້ ທີ່່ເດີນໂຮງຮຽນ ມສ ມິດຕະພາບ ລາວ-ຫວຽດນາມ, ນະຄອນຫລວງວຽງຈັນ ໄດ້ຈັດໃຫ້ມີກິດຈະກຳ ເປີດງານວັນວິທະຍາສາດ ຄັ້ງທີ 5 ສົກຮຽນ 2017-2018 ຂອງໂຮຮຽນ ມສ ມິດຕະພາບ ລາວ-ຫວຽດນາມ ຂື້ນ ໂດຍການເຂົ້າຮ່ວມຂອງທ່ານ ມະໂນສິນ ມາສະວົງດີ, ຕ່າງຫນ້າກົມສາມັນ, ກະຊວງສຶກສາທິການ ແລະ ກີລາ, ທ່ານນາງ ທອງມີ ດວນສັກດາ, ຕ່າງຫນ້າ ກົມພົວພັນຕ່າງປະເທດ,ກະຊວງສຶກສາທິການ ແລະ ກີລາ, ທ່ານ ຫງຽນ ງ໋ອກ ຖັງ, ທູດທີ່ປຶກສາ ສຶກສາ-ວັດທະນາທຳ ສະຖານທູດຫວຽດນາມ ປະຈຳລາວ, ມີຕ່າງຫນ້າພະແນກສຶກສາ ແລະ ກີລາ ນະຄອນຫລວງ, ຂະແຫນງການ, ຄະນະອໍານວຍການໂຮງຮຽນ ແລະ ຄູ-ອາຈານ ນ້ອງນັກຮຽນ, ແຂກຖືກເຊີນເຂົ້າຮ່ວມຢ່າງພ້ອມພຽງ.
ທ່ານ ອາຈານ ດອນ ແກ້ວມີໄຊ, ອຳນວຍການໂຮງຮຽນ ມສ ມິດຕະພາບ ລາວ-ຫວຽດນາມ ກ່າວໃນໂອກາດກ່າວເປີດງານວ່າ: ງານວິທະຍາສາດ ຄັ້ງທີ 5 ສົກຮຽນ 2017-2018 ຂອງໂຮງຮຽນ ມສ ມິດຕະພາບ ລາວ-ຫຽດນາມ ຈັດຂື້ນເພື່ອເປັນການສ້າງຂະບວນການຕ້ອນຮັບວັນສຳຄັນຕ່າງໆຂອງຊາດຂອງພັກ ໃຫ້ມີບັນຍາກາດຟົດຟື້ນ ແລະ ມີຄວາມຫມາຍສຳຄັນ ທັງເປັນການຈັດຕັ້ງປະຕິບັດ 3 ຂໍ້ແຂ່ງຂັນ, 5 ຫລັກມູນການສຶກ ທີ່ກະຊວງສຶກສາທິການ ແລະ ກີລາວາງອອກ ກໍ່ຄື ແຜນການປີຮຽນຂອງໂຮງຮຽນ ມສ ມິດຕະພາບ ລາວ-ຫວຽດນາມວາງອອກ ໃຫ້ປະກົດຜົນເປັນຈິງ. ພ້ອມກັນນັ້ນ ຍັງເປັນການສົ່ງເສີມຜົນງານ, ຫົວຄິດປະດິດສ້າງດ້ານການຮຽນ-ການສອນຂອງຄູ-ອາຈານ ແລະ ນັກຮຽນ ຈາກທິດສະດີ ສູ່ພຶດຕິກຳຕົວຈິງ, ສ້າງໃຫ້ນັກຮຽນມີໂອກາດໄດ້ສະແດງອອກຄວາມຮູ້ຄວາມສາມາດ ຈາກບົດຮຽນທີ່ຕົນເອງໄດ້ຮຽນມາ.
ງານວິທະຍາສາດ ຄັ້ງທີ 5 ສົກຮຽນ 2017-2018 ຂອງໂຮງຮຽນ ມສ ມິດຕະພາບ ລາວ-ຫຽດນາມ ມີ 12 ຈຸວິຊາ ເຂົ້າຮ່ວມ ແລະ 1 ສະໂມສອນ ຄື: ສະໂມສອນຫ້ອງມູນເຊື້ອ. ງານຄັ້ງນີ້ ດໍາເນີນໄປ ພາຍໃຕ້ຮູບແບບ ຈັດວາງສະແດງ ແລະ ເຮັດກິດຈະກຳຕ່າງໆ ທີ່ສະແດງໃຫ້ເຫັນຜົນງານການຮຽນ-ການສອນຂອງຈຸວິຊາຕ່າງໆ ແລະ ການປະກອບສ່ວນພັດທະນາໂຮງຮຽນຂອງຄູ-ອາຈານ ແລະ ນັກຮຽນໃນຊຸມປີຜ່ານມາ.

Editor: ຕະວັນ ແສງສະຫວັນ