ເນື່ອງໃນໂອກາດ ວັນສ້າງຕັ້ງພັກ ປະຊາຊົນ ປະຕິວັດລາວ ແລະ ວັນສ້າງຕັ້ງຊາວໜຸ່ມປະຊາຊົນ ປະຕິວັດລາວ ຄົບຮອບ 63 ປີ. ທີ່ໝູນວຽນມາບັນຈົບຄົບຮອບອີກວາລະໜຶ່ງ ໃຫ້ເຕັມໄປດ້ວຍເນື້ອໃນຄວາມໝາຍຄວາມສຳຄັນ, ຄະນະນໍາເມືອງຊະນະສົມບູນ ຈຶ່ງຈັດໄດ້ພິທີສະເຫຼີມສະຫຼອງປາຖະກະຖາ ຫວນຄືນມູນເຊື້ອ 2 ວັນປະຫວັດສາດ ດັ່ງກ່າວຂື້ນ, ໂດຍພາຍໃຕ້ການເປັນປະທານ ຮ່ວມຂອງ ສະຫາຍ ສົມບູນ ເຮືອງວົງສາ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະສົມບູນ. ໃຫ້ກຽດເຂົ້າຮ່ວມຄັ້ງນີ້: ມີອາດີດພະນັກງານບຳນານ, ພ້ອມດ້ວຍບັນດາສະຫາຍ ນາຍ ແລະ ພົນທະຫານ, ນາຍ ແລະ ພົນຕໍາຫຼວດ ຕະຫຼອດຮອດພະນັກງານ, ການນໍາຫຼັກແຫຼ່ງ, ວິຊາການແຕ່ລະກົມກອງ, ຫ້ອງການທົ່ວເມືອງ ພ້ອມນີ້ຍັງມີນັກສຶກສາກົດໝາຍຊັ້ນຕົ້ນລະບົບເລັ່ງລັດ 3 ເດືອນ ເຂົ້າຮ່ວມຢ່າງຫຼວງຫຼາຍ. ໃນພິທີ ສະຫາຍ ສົມບູນ  ເຮືອງວົງສາ ເຈົ້າເມືອງຊະນະສົມບູນ ເປັນກຽດບັນລະຍາຍເອກະສານວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 63 ປີ ຄື:( 22 ມີນາ 1959 – 22 ມີນາ 2018 ) ເຊີ່ງໄດ້ຍົກໃຫ້ເຫັນຊີ່ງເຖີງບົດບາດພັກ ປະຊາຊົນ ປະຕິວັດລາວ ແມ່ນພັກ ທີ່ກຳເນິດເກີດຈາກລັດທິຮັກຊາດ ຢ່າງແທ້ຈິງ ຂອງພໍ່ແມ່ປະຊາຊົນລາວ ບັນດາເຜົ່າ ທີ່ໄດ້ຜ່ານຫຼາຍຂະບວນການຕໍ່ສູ້ຢ່າງດຸເດືອດຂອງບັນພະບູລຸດ. ເຖີງວັນທີ 22 ມີນາ 1955 ປະທານ ໄກສອນ ພົມວິຫານ ພ້ອມດ້ວຍໝູ່ຄະນະ ທີ່ເປັນສະມາຊິກພັກຄອມມູນິດອິນດູຈີນ ໄດ້ຈັດກອງປະຊຸມສ້າງຕັ້ງພັກຂື້ນ ໂດຍໃສ່ຊື່ວ່າ: ( ພັກປະຊາຊົນລາວ ) ຍ້ອນໄດ້ຮັບການເຕີບໃຫ່ຍຂະຫຍາຍຕົວ ຕໍ່ມາກໍ່ປຽນຊື່ມາເປັນ: ພັກປະຊາຊົນ ປະຕິວັດລາວ. ຢຶດໝັ້ນລັດທິມາກ - ເລນິນ, ແນວຄິດໄກສອນ ພົມວິຫານ ແລະ ມູນເຊື້ອອັນດີງາມຂອງພັກບົນພື້ນຖານຄວາມສະເໝີພາບ ປະຊາທິປະໄຕ ເປັນເຂັ້ມທິດເຢືອງທາງ ເຂົ້າໃນພາລະກິດປ່ຽນແປງໃໝ່ຮອບດ້ານຂອງພັກ, ກໍ່ຄືປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ໝັ້ນຄົງ, ກໍ່ສ້າງລະບອບປະຊາທິປະໄຕ ໃຫ້ບັນລຸຕາມຈຸດມຸ້ງໝາຍສັງຄົມນິຍົມ, ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຈົນເຖີງປັດຈຸ. ພ້ອມນັ້ນກອງປະຊຸມ ຍັງໄດ້ເຊື່ອມຊືມເອກະສານວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ( 14 ເມສາ - 1955- 14 ເມສາ 2018 ຄົບຮອບ 63 ປີ ) ຕື່ມອີກ. 

Editor: ກຳປານາດ ລັດຖະເຮົ້າ