ຕົ້ນເດືອນ ມີນາ 2018 ນີ້ ຫ້ອງການຍຸຕິທໍາ ເມືອງຊະນະຄາມ ແຂວງວຽງຈັນ ໄດ້ເປີດກອງປະຊຸມ ກະກຽມຄວາມພ້ອມ ການເປີດການຮຽນການສອນ ວິຊາກົດໝາຍຊັ້ນຕົ້ນ ຫຼັກສູດ 3 ເດືອນ ຂອງເມືອງຊະນະຄາມ ຢູທີ່ສະໂມສອນຂອງເມືອງ ໂດຍການເປັນປະທານ ຂອງທ່ານ ສະໝານ ວິເສດຍະພົງ ເລຂາພັກເມືອງ ເຈົ້າເມືອງ ເມືອງຊະນະຄາມ ມີກໍາມະການພັກເມືອງ, ຫົວໜ້າຫ້ອງການ ແລະ ຄູອາຈານ ທີ່ຈະໄດ້ຂື້ນຫ້ອງສອນ ກໍ່ເປັນກຽດເຂົ້າຮ່ວມ ຢ່າງພ້ອມພຽງ.
ໃນກອງປະຊຸມໄດ້ມີການຄົ້ນຄ້ວາ ປຶກສາຫາລື ແລກປ່ຽນບົດຮຽນກ່ຽວກັບ ການກຳນົດ ສະຖານທີ່ການຮຽນ-ການສອນ ສະຖານທີ່ພັກເຊົາຂອງບຸກຄະລາກອນ ທີ່ຈະເຂົ້າຮຽນ ພ້ອມນີ້ ຍັງໄດ້ຜ່ານຂໍ້ຕົກລົງຂອງທ່ານເຈົ້າເມືອງ ສະບັບ ເລກທີ 69/ຈມ.ຊຄ ລົງວັນທີ 23/02/2018 ວ່າດ້ວຍ: ການແຕ່ງຕັ້ງຄະນະຮັບຜິດຊອບ ການເປີດ ການຮຽນ-ການສອນ ວິຊາກົດໝາຍຊັ້ນຕົ້ນຊຸດທີ IV ຂອງເມືອງຊະນະຄາມ ເປັນຕົ້ນແມ່ນອານຸກຳມະການຊີ້ນຳລວມ, ອານຸກໍາມະການປຸກລະດົມບຸກຂະລາກອນ ເຂົ້າຮຽນ ອານຸກໍາມະການສະຖານທີ່ ສ່ວນເປົ້າໝາຍທີ່ຈະປຸກລະດົມທີ່ຈະມາເຂົ້າຮຽນໃນຄັ້ງນີ້ ກໍ່ແມ່ນພະນັກງານຮຸ່ນສືບທອດ ຂອງບ້ານ ໂດຍສະເພາະ ແມ່ນ ປກສ, ປກຊ ຊາວໜຸ່ມ, ແມ່ຍິງຂອງບ້ານ ພາຍໃນ 34 ບ້ານ ຂອງເມືອງຊະນະຄາມ ເຊິ່ງກໍານົດ 60 ສະຫາຍ ເຊິ່ງໃນປະຈຸບັນ ແມ່ນ ໄດ້ທັງໜົດ 30 ກ່ວາສະຫາຍ ທີ່ສະໝັກໃຈເຂົ້າຮຽນກົດໝາຍຊັ້ນຕົ້ນ ແລະ ສະເພາະວິຊາທີ່ຈະນຳມາສິດສອນໃນຄັ້ງນີ້ ປະກອບມີ 29 ວິຊາຮຽນ ຄື: ວິຊາພູມສາດລາວ, ປະຫວັດສາດພັກ, ແນວທາງປ່ຽນແປງໃໝ່,ລັດທິມາກ-ເລນິນ, ລັດ ແລະ ກົດໝາຍ, ການພົວພັນສາກົນ, ລັດຖະທໍາມະນູນ, ກົດໝາຍອົງການໄອຍະການປະຊາຊົນ, ກົດໝາຍສຶກສາ, ກົດໝາຍປົກຄອງທ້ອງຖິ່ນ, ກົດໝາຍແຮງງານ, ກົດໝາຍພັນທະປ້ອງກັນຊາດ, ກົດໝາຍຊັບສິນຂອງລັດ, ກົດໝາຍພາສີ, ກົດໝາຍຊ່ວຍສາອາກອນ, ກົດໝາຍປະຊາຊົນ ກົດໝາຍຈາລະຈອນທາງບົກ, ກົດໝາຍຄອບຄົວ, ກົດໝາຍທະບຽນຄອບຄົວ, ກົດໝາຍທະບຽນສານ, ກົດໝາຍວ່າດ້ວຍສັນຊາດລາວ,ກົດໝາຍແມ່ຍິງ, ກົດໝາຍເດັກ, ກົດໝາຍສິ່ງແວດລ້ອມ, ກົດໝາຍກະສິກໍາ, ກົດໝາຍກຳມະສິດ, ກົດໝາຍສືບທອດມູນມໍລະດົກ, ກົດໝາຍຂໍຜູກພັນພາຍໃນ ແລະ ນອກສັນຍາ, ກົດໝາຍທີ່ດິນ.
ທັງນີ້ກໍ່ ເພື່ອເຮັດໃຫ້ພະນັກງານຮຸ່ນສືບທອດຂອງບ້ານ ພາຍໃນ 34 ບ້ານ ໃຫ້ຮັບຮູ້ ແລະ ເຊື່ອມຊືມ ບັນດາກົດໝາຍ ແລະ ນິຕິກຳຕ່າງໆ ເພື່ອນຳໄປຈັດຕັ້ງປະຕິບັດ ແລະ ຫມູນໃຊ້ໃນຂັ້ນທ້ອງຖິ່ນຂອງຕົນ ໃຫ້ມີໝາກຜົນໃນຕໍ່ໜ້າ.

Editor: ເມືອງຊະນະຄາມ