ໃນວັນທີ 19 ມັງກອນ 2018 ທີ່ຫ້ອງປະຊຸມຫ້ອງການສືກສາທິການ-ກິລາເມືອງວຽງທອງ, ແຂວງ ບໍລິຄໍາໄຊ ໄດ້ເປີດບັ້ນຝືກອົບຮົມກ່ຽວກັບວຽກງານການບໍລິຫານການຄຸ້ມຄອງໂຮງຮຽນ ໃຫ້ຜູ້ອຳນວຍການໂຮງຮຽນປະຖົມທົ່ວເມືອງ ໂດຍການເຂົ້າຮ່ວມຂອງ ທ່ານ ອາຈານ ບູນຖອງ ວົງໄຊຍະລາດ, ຮອງຫົວໜ້າຫ້ອງການສືກສາທິການ-ກິລາເມືອງ, ທ່ານ ອາຈານ ນາງຈັນທີ ແກ້ວມີນາວົງ ຄູຝືກ, ວິຊາການເດັກກ່ອນໄວຮຽນພະແນກສືກສາທິການ-ກິລາແຂວງ, ມີຄະນະສືກສານີເທດຂັ້ນເມືອງ, ມີບັນດາທີ່ມງານຄູຝືກທີ່ມາຈາກແຂວງ ແລະ ເມືອງ,ຜູ້ອຳນວຍການໂຮງຮຽນປະຖົມ 44 ໂຮງຮຽນ ທົ່ວເມືອງເຂົ້າຮ່ວມ.
ທ່ານ ອາຈານ ບູນຖອງ ວົງໄຊຍະລາດ ຮອງຫົວໜ້າຫ້ອງການສືກສາທິການ-ກິລາເມືອງ ໄດ້ໃຫ້ກຽດຂື້ນກ່າວຈຸດປະສົ່ງ ແລະ ກ່າວເປີດບັ້ນຝືກອົບຮົມວຽກງານການບໍລິຫານການຄຸ້ມຄອງໃຫ້ຜູ້ອຳນວຍການໂຮງຮຽນປະຖົມທົ່ວເມືອງ, ເຊີ່ງໄດ້ເນັ້ນໂຮງຮຽນເປັນຫຼັກ ສຳລັບຊັ້ນປະຖົມສືກສາ,ໃນການຝືກອົບຮົມໃນຄັ້ງນີ້ ບັນດາຜູ້ເຂົ້າຮ່ວມຈະໄດ້ພ້ອມກັນສືກສາຮຽນຮູ້ກ່ຽວກັບເອກະສານ ວຽກງານນະໂຍບາຍ ແລະ ຍຸດທະສາດການສຶກສາກ່ອນໄວຮຽນ, ຄູ່ມືແນະນໍາຜູ້ບໍລິຫານການສຶກສາ ກ່ຽວກັບການຄຸ້ມຄອງ ທີ່ເນັ້ນໂຮງຮຽນເປັນຫຼັກ, ການຄຸ້ມຄອງວິຊາການ,ການບໍລິຫານສະຖິຕິການສຶກສາ, ພະລະບົດບາດໜ້າທີຮັບຜິດຊອບຂອງຄະນະພັດທະນາການສຶກສາຂັ້ນບ້ານ ແລະ ມາດຕະຖານ, ຄຸນນະພາບການສຶກສາ ແລະ ການປະເມີນຜົນຕົນເອງ. ເພື່ອເຮັດໃຫ້ຜູ້ເຂົ້າຮ່ວມໄດ້ມີການຮຽນຮູ້ ແລະ ເຂົ້າໃຈບັນດາເອກະສານຕ່າງໆ ເພື່ອນຳເອົາຄວາມຮູ້, ຄວາມສາມາດໃຊ້ເຂົ້າໃນການບໍລິຫານ-ຄຸ້ມຄອງ ໂດຍຊຸມຊົນມີສ່ວນຮ່ວມ, ພ້ອມແບ່ງຂັ້ນຄຸ້ມຄອງໃຫ້ແກ່ໂຮງຮຽນມີຄວາມເປັນເອກະລາດ ໃນການຕັດສິນໃຈການພັດທະນາໂຮງຮຽນ ແລະ ນຳໄປສ້າງແຜ່ນພັດທະນາໂຮງຮຽນຕົນເອງ ຕາມວົງຈອນຂອງການວາງແຜນ ໂດຍອີງໃສ່ ມາດຕະຖານ, ຄຸນນະພາບຄວາມເປັນຈິງທີ່ແຕກຕ່າງກັນຂອງແຕ່ລະໂຮງຮຽນ ແຕ່ລະທ້ອງຖິ່ນ ໃນວຽກງານການສຶກສາໃຫ້ດີຂື້ນເທື່ອລະກ່າວ.

Editor: ນັກຂ່າວເມືອງວຽງທອງ