ປິດຊຸດຝຶກອົບຮົມ ແລະ ສະແດງຜົນງານ ການຜະລິດຮູບເງົາສາລະຄະດີສັ້ນ ໂດຍຜ່ານໂທລະສັບມືຖື ໃນທ້າຍອາທິດຜ່ານມາ ທີ່ກົມຮູບເງົາ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໂດຍການເຂົ້າຮ່ວມຂອງທ່ານ ວິທູນ ສູນດາລາ ຫົວໜ້າກົມຮູບເງົາ, ມີຜູ້ເຂົ້າຮ່ວມຝຶກອົບຮົມ 16 ຄົນ, ຍິງ 6 ຄົນ, ພະນັກງານບໍລິສັດມາຍມີເດຍ 3 ຄົນ ແລະ ຄູຝຶກ 1 ຄົນ.
ເພື່ອສ້າງໃຫ້ໄວໜຸ່ມໃນການຜະລິດວີດີໂອຜ່ານມືຖື ແລະ ຍົກລະດັບຄວາມສາມາດໃນການຜະລິດສື່ ວີດີໂອ ຂອງສະມາຊິກຂອງກຸມໄວໜຸ່ມເພຶ່ອ ການຜະລິດສື່, ນັກສຶກສາທົ່ວໄປ, ພະນັກງານໃຫ້ມີຄຸນນະພາບ ແລະ ສ້າງບຸກຄາລາກອນເພື່ອໃຫ້ມີທາງເລືອກໃນການສ້າງອາຊີບທີ່ຍືນຍົງ. ເພື່ອໃຫ້ຜູ້ສົນໃຈສາມາດນຳໃຊ້ການຜະລິດຟີມ ແບບງ່າຍດາຍຜ່ານການນຳໃຊ້ໂທລະສັບມືຖື, ເພື່ອໃຫ້ໄວໜຸ່ມສາມາດນຳສະເໜີ ແລະ ເຜີແຜ່ຜົນງານການເຄື່ອນໄຫວຂອງອົງການ ຈັດຕັ້ງທາງສັງຄົມ ຜ່ານ youtube ແລະ ເວທີແລກປ່ຽນ. ການຝຶກອົບຮົມຄັ້ງນີ້ ແມ່ນມີຄວາມສຳຄັນຂອງສື່ ເຊັ່ນ: ການນຳໃຊ້ອຸປະກອນ ແລະ ເຄື່ອງມືທີ່ກ່ຽວຂ້ອງ, ເຕັກນິກ ແລະ ການຖ່າຍທຳ, ການຂຽນເລື່ອງ ແລະ ວາງແຜນລົງຖ່າຍທຳ ແລະ ລົງຜະລິດວີດີໂອໃນພາກສະໜາມ. ການປະເມີນຄວາມຮູ້ຄວາມເຂົ້າໃຈຂອງນັກຝຶກອົບຮົມໃນໄລຍະ 10 ວັນ ໂດຍການປະເມີນຈາກນັກຝຶກອົບຮົມ 16 ຄົນ, ຍິງ 6 ຄົນ ສາມາດສັງລວມຂໍ້ມູນການຮຽນຮູ້ ແລະ ຜົນໄດ້ຮັບຄື: ສາມາດເຂົ້າໃຈພື້ນຖານໃນການຜະລິດສື່ ວີດີໂອ ແລະ ສາມາດຜະລິດໄດ້. ມີບົດເລື່ອງ ແລະ ແຜນການຖ່າຍທຳຈຳນວນ 8 ແຜນຂອງນັກຮຽນ 8 ກຸ່ມໃນການລົງຖ່າຍທຳໃນພາກສະໜາມໃນ 5 ແຂວງໃນໂຄງການຮ່ວມມືຂອງອົງການ SDC ແລະ ແຜນການໃນຕໍ່ໜ້າ ແມ່ນຈະໄດ້ຈັດຝຶກອົບຮົມການຕັດຕໍ່ວີດີໂອນຳອີກດ້ວຍ.

Editor: ດາວໄຊ ສີວິໄລ