ໂຄງການໃຫ້ທຶນການສຶກສາ ຂອງບໍລິສັດ ເບຍລາວ ແມ່ນເປັນອີກຖຄງການຫນຶ່ງ ທີ່ທາງບໍລິສັດ ເບຍລາວ ໃຫ້ຄວາມສໍາຄັນ ໃນການສຶບຕໍ່ປະຕິບັດແຜນພັດທະນາອົງກອນ ແບບຢືນຍຢງ ແລະ ເປັນການປະກອບສ່ວນໃນການພັດທະນາຊັບພະຍາກອນມະນຸດ ໃນຮູບແບບຫນຶ່ງໃນສັງຄົມ, ທີ່ເປັນການສະແດງຄວາມຮັບຜິດຊອບຕໍ່ສັງຄົມ ແລະ ສີ່ງແວດລ້ອມ ຊອງບໍລິສັດ ເຂົ້າໃນແຜນພັດທະນາແບບຢືນຍົງຂອງລັດຖະບານ, ການໃຫ້ທຶນການສຶກສາຂອງ ບໍລິສັດ ເບຍລາວ ເປັນອີກກິດຈະກຳຫນຶ່ງ ທີ່ສອດຄ່ອງກັບແນວທາງລັດຖະບານ ໃນການສ້າງບຸກຄະລາກອນ ທີ່ມີຄວາມສາມາດ ເພື່ອພັດທະນາເສດຖະກິດ, ຊຸມຊົນ-ສັງຄົມ, ແຮງງານ ແລະ ຕະຫລາດໃຫ້ມີຄວາມສາມາດເຄື່ອນໄຫວ ໄດ້ດີ ເປັນຈັງຫວະດຽວກັນ, ການລົງທຶນຍໃສ່ອະນາຄົດ ການຊຸກຍູ້ໂດຍກົງ ເຖິງກຸ່ມເປົ້າຫມາຍນັກສຶກສາສະຖາບັນຂັ້ນມະຫາວິທະຍາໄລ ໃນທົ່ວປະເທດ, ແນໃສ່ໃຫ້ໂອກາດນັກສຶກສາທີ່ມີຄຸນສົມບັດ, ຮຽນເກັ່ງ, ສະພາບຄອບຄົວຂາດເຂີນ, ບໍ່ທັນໄດ້ຮັບທຶນການສຶກສາ ຈາກພາກສ່ວນອື່ນ.

ບໍລິສັດ ເບຍລາວ ໄດ້ເລີ່ມປະຕິບັດໂຄງການໃຫ້ທຶນການສຶກສາ ແຕ່ປີ 2010 ເປັນຕົ້ນມາ ໃນເບື້ອຕົ້ນໃຫ້ທຶນແກ່ນັກສຶກສາ ຈໍານວນ 188 ທຶນ, ຈາກ 4 ສະຖາບັນການສຶກສາ, ແລະ ຕໍ່ມາໄດ້ເພີ່ມທຶນການສຶກສາ ແກ່ນັກສຶກສາ ເປັນ 330 ທຶນ, ຈາກ 7 ສະຖາບັນການສຶກສາໃນທົ່ວປະເທດ. ທຶນການສຶກສາທີ່ໄດ້ຮັບ ຈາກບໍລິສັດ ເບຍລາວ ໃນປີ 2010 ຈົນເຖິງປະຈຸບັນ 2017-2018 ມີຈໍານວນ 2,064 ທຶນ

ໃນນັ້ນປະກອບມີ : ມະຫາວິທະຍາໄລແຫ່ງຊາດ, ມະຫາວິທະຍາໄລ ສຸພານຸວົງ, ມະຫາວິທະຍາໄລ ສະຫວັນນະເຂດ, ມະຫາວິທະຍາໄລ ຈໍາປາສັກ, ວິທະຍາໄລຄູສະຫວັນນະເຂດ, ວິທະຍາໄລຄູ ຈໍາປາສັກ ແລະ ສະຖາບັນວິຈິດສິນແຫ່ງຊາດ

ພິທີມອບ-ຮັບ ທຶນການສຶກສາ ຄັ້ງນີ້ ເຂົ້າຮ່ວມມື ທ່ານ ສາດສະດາຈານ ສົມສີ ຍໍພັນໄຊ ອະທິການບໍດີ ມະຫາວິທະຍາໄລແຫ່ງຊາດ, ທ່ານ ສູນທອນ ສີລິສັກ ຮອງຜູ້ອຳນວຍການ ບໍລິສັດ ເບຍລາວ, ທ່ານ ໄມສິງ ຈັນບຸດດີ ອໍານວຍການ ສະຖາບັນວິຈິດສິນແຫ່ງຊາດ. ມີຕາງຫນ້າສະມາຄົມນັກຮຽນ-ນັກສຶກສາ, ຕາງຫນ້າກະຊວງສຶກສາທິການ ແລະ ກິລາ, ຄູອາຈານ ແລະ ນັກສຶກສາ ເຂົ້າຮ່ວມຢ່າງພ້ອມພຽງ. ພິທີມອບ-ຮັບ ໄດ້ຈັດຂື້ນທີ່ມະຫາວິທະຍາໄລແຫ່ງຊາດ ( ດົງໂດກ ) ໃນວັນທີ 27 ຕຸລາ 2017 ທີ່ຜ່ານມາ.

Editor: ກຳປານາດ ລັດຖະເຮົ້າ