ອາທິດຜ່ານມາ ຢູ່ທີ່ ຫ້ອງປະຊຸມພະແນກແຮງງານ ແລະ ສະຫວັດດີການສັງຄົມ ແຂວງໄຊຍະບູລີ ໄດ້ຈັດພິທີ ມອບ-ຮັບ ເງິນອຸດໜູນ ເທື່ອດຽວຜູ້ຍັງມີຊີວິດຕາມດຳລັດ 272/ລບ ຢ່າງເປັນທາງການ ໂດຍການເປັນປະທານຂອງ ທ່ານ ນາງ ແພງຈັນ ແກ້ວມະນີວົງ ກຳມະການພັກແຂວງ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງໄຊຍະບູລີ ເຂົ້າຮ່ວມເປັນກຽດຂອງທ່ານນາງ ບຸນພັກ ອິນທະປັນຍາ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ ມີຄະນະສະມາຊິກສະພາປະຊາຊົນແຂວງ, ມີຮອງເຈົ້າເມືອງ ພະນັກງານທີ່ກ່ຽວຂ້ອງ ພ້ອມດ້ວຍຜູ້ທີ່ໄດ້ຮັບເງິນອຸດໜູນນະໂຍບາຍເຂົ້າຮາວມ

ໃນພິທ່ານນາງ ແພງຈັນ ແກ້ວມະນີວົງ ໄດ້ຂື້ນຜ່ານຂໍ້ຕົກລົງວ່າດ້ວຍການປະຕິບັດນະໂຍບາຍເງິນອຸດໜູນຍັງມີຊີວິດ ປະຈຳປີ 2017 ເລກທີ 207/ຮສສ ລົງວັນທີ 30 ມິຖຸນາ 2017 ອີງຕາມດຳລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງແລະເຄື່ອນໄຫວ ຂອງກະຊວງແຮງງານ ແລະສະຫວັດດີການສັງຄົມ ສະບັບເລກທີ 138/ນຍ ລົງວັນທີ 4 ພຶດສະພາ 2007 ອີງຕາມດໍາລັດຂອງລັດຖະບານວ່າດ້ວຍ ການປະຕິບັດນະໂຍບາຍຕໍ່ຜູ້ທີ່ມີຜົນງານ ແລະ ຄວາມດີງາມໃນພາລະກິດຮັບໃຊ້ການປະຕິວັດຊາດປະຊາທິປະໄຕ ສະບັຍເລກທີ 272/ລບ ລົງວັນທີ 16 ກັນຍາ 2015 ອີງຕາມບັນຊີລາຍຊື່ຜູ້ທີ່ຈະໄດ້ຮັບນະໂຍບາຍ ເງິນອຸດໜູນ ຜູ້ຍັງມີຊີວິດຂອງພະແນກແຮງງານ ແລະ ສະຫວັດດີການສັງຄົມ ແຂວງໄຊຍະລີ ສະບັບເລກທີ 125/ຮສສ.ຂ ລົງວັນທີ 26 ມັງກອນ 2017 ລັດຖະມົນຕີຕົກລົງເຫັນດີ ອະນຸມັດເງິນອຸດໜູນຜູ້ຍັງມີຊີວິດ ໃຫ້ພະແນກແຮງງານ ແລະ ສະຫວັດດີການສັງຄົມໃນຈຳນວນ 54 ທ່ານ ເປັນເງິນທັງໝົດ 918.600.000 ກີບ ( ເກົ້າຮ້ອຍສີບແປດລ້ານຫົກແສນກີບ) ໃຫ້ກຽດກ່າວມອບຂອງທ່ານ ນາງບຸນພັກ ອິນທະປັນຍາ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ.

Editor: ກຳປານາດ ລັດຖະເຮົ້າ