ອະທິການບໍດີມະຫາວິທະຍາໄລແຫ່ງຊາດ ໄດ້ອອກປະກາດແຈ້ງການກ່ຽວກັບການສອບເສັງ ຄັດເລືອກເອົານັກຮຽນ-ນັກສຶກສາ ເຂົ້າຮຽນຢູ່ມະຫາວິທະຍາໄລແຫ່ງຊາດ ປະຈໍາປີສົກຮຽນສຶກສາ 2017-2018 ເຊິ່ງມີລາຍລະອຽດດັ່ງນີ້:

ກຳນົດເອົາວັນສອບເສັງຄັດເລືອກ ໃນວັນທີ 25 ກໍລະກົດ 2017, ຂາຍຄຳຮ້ອງເຂົ້າຮອບສອບເສັງ ເລີ່ມວັນທີ 26 ມິຖຸນາ 2017 ຈົນຮອດວັນທີ 19 ກໍລະກົດ 2017, ຮັບຄໍາຮ້ອງ ແລະ ລົງທະບຽນສອບເສັງ ນັບແຕ່ວັນທີ 28 ມິຖຸນາ 2017 ຈົນຮອດວັນທີ 19 ກໍລະກົດ 2017, ສະຖານທີ່ຂາຍຄໍາຮ້ອງ ແລະ ຮັບຄໍາຮ້ອງແມ່ນສະໂມສອນໃຫຍ່ ມະຫາວິທະຍາໄລແຫ່ງຊາດ ວິທະຍາເຂດດົງໂດກ, ວັນທີສອບເສັງແມ່ນ ວັນທີ 25 ກໍລະກົດ 2017

ສຳລັບ ເອກະສານປະກອບຄຳຮ້ອງຂໍເຂົ້າສອບເສັງແມ່ນປະກອບມີ: ສຳເນົາບັດເຂົ້າຫ້ອງສອບເສັງຈົບຊັ້ນ ມ. 7 ສໍາລັບ ຜູ້ທີ່ຈົບໃນສົກນຽນ 2016-2017 ຈໍານວນ 1 ສະບັບ, ສໍາເນົາປະກາສະນີຍະບັດຈົບຊັ້ນ ມ 7 ສໍາລັບ ຜູ້ທີ່ຈົບໃນສົກຮຽນກ່ອນ 2016-2017  ຈໍານວນ 1 ສະບັບ, ສໍາເນົາບັດປະຈໍາຕົວ ຫຼື ສໍາມະໂນຄົວ ທີ່ມີຮູບຜູ້ສະໜັກຕິດຢູ່ 1 ສະບັບ ແລະ ຮູບຖ່າຍ 3x4 ທີ່ຖ່າຍບໍ່ເກີນ 3 ເດືອນ ຈໍານວນ 2 ໃບ ເຊິ່ງເອກກະສານທັງໜົດ ຕ້ອງມີສະບັບແທ້ມາຢັ້ງຢືນຄວາມຖືກຕ້ອງນຳອີກ.

ຜູ້ສະໜັກ ສາມາດຕິດຕາມລາຍຊື່ ແລະ ສະຖານທີ່ສອບເສັງໄດ້ ໃນວັນທີ່ 24 ກໍລະກົດ 2017. ສອບຖາມຂໍ້ມູນເພີ່ມເຕີມ ຕິດຕໍ່ຫ້ອງວິຊາການ, ມະຫາວິທະຍາໄລແຫ່ງຊາດ ໂທ: 021 740284.

Editor: ທອມ ສີວິໄລ